今日一早就好勞氣，幫襯"xCox"訂全屋電器，包括Electrolux電焗爐&電磁爐，早前專門去Electrolux showroom睇機，當時saleslady已經講部焗爐係新款，返了一批貨已經賣得七七八八，想訂就要快手，隔天10月13日我去"xCox"訂機時已經提醒店員呢個情況，叫佢要提早跟代理商大昌行落單，過一天後"xCox"店員打電話覆實話已經跟所有供應商confirm只係部微波爐冇貨，要我再揀過。
星期一打電話叫"xCox"安排星期五先送焗爐，焗爐餘款我已經過曬數，今早"xCox"打電話來話大昌行冇貨，我即時鬧爆"xCox"，一早已經叫佢地hold貨，佢地死口話有hold貨，但如果有hold貨現在又點會冇貨可送？！？！佢地話Electrolux下一水電焗爐要月尾至到香港，另一壞消息係Electrolux電磁爐要到下月初才到港，即係"xCox"兩件貨都冇幫我hold！！PM要求有實物焗爐方便師傅度身造櫃，依家冇焗爐只好將情況跟PM報告，最後由PM跟Electrolux的安裝師傅直接拆掂。
另一事件，本來今日收廁所及洗面盆，因為潔具公司早上執錯貨，要延後一天送貨，呢啲只係小事一單，遲一天冇所謂，"xCox"冇落單就真係不可原諒。
回到工程，今日進度良好。
客廳天花亦已剷底
造櫃的六分夾心板亦已入場
細房天花已剷底
主人房天花剷底工作亦已完成
新砌的主人房牆壁，已上防潮油
沒有留言:
發佈留言