今日有菜食

2013年2月21日

今日lunch終於向生菜及白菜開刀，不過唔係整棵，只係切外圍最大的幾塊葉，因為見到裡面仍不斷長出新葉，希望長食長有，食咗外圍啲葉亦俾多啲空間裡面啲葉生長。

白菜葉有24cm長，好粗壯，又鮮甜，好滿意。生菜略遜冇咁壯不過都有20cm長。摘下來沖下水就可以下鍋，唔需要好似係街買啲菜要洗幾轉，又怕有泥有虫，又怕有農藥（見過鬼怕黑，就算買organic菜都一樣要大洗特洗），依家食自家水培青菜，100%carefree，wahaha。

種了一個月零10天的cherry tomato開始有花，雖然朶花背對我，仍然好開心，因為有得食cherry tomato之期不遠了。

白菜&生菜 - 猛長

2013年2月17日

近2個星期啲白菜&生菜突然間快速生長。

呢張係2月3日拍攝白菜跟生菜都好幼弱，由下種至今(2月3日)共13日，白菜只有8cm高。2月4日踏入2星期，將整個aerogarden換水及加營養液，之後啲菜菜開始爆速生長。

 

一個星期後到2月12日菜葉已經大塊了很多，不過高度仍未上到頂。

再過5日到2月17日菜葉已經頂到燈位，要升高一級盞燈。
另外mega cherry tomato亦要將盞燈再升高一級，現在密切注意cherry tomato幾時有花。

白菜很粗壯，上月20日下種子，不到一個月就長到咁誇張，種子包裝的說明是說要60-90天才收成，但現在的狀況應該可以收成。

今年惟一買的年花－風信子，不過到年初5才開花，米黃色的小花幾淡雅，而且一個球有2株，買大送小，好事成雙又幾好兆頭。

再來網購

2012年2月4日

iherb又有promo，今次仲同DHL攪合作，可以以超低運費寄貨至香港。嘩，之前因為運費而唔敢買的重貨，終於可以落手，hahaha！

今次主要買廚房及浴室的consumables。

有了浴缸後就開始諗泡泡浴、香薰浴…，四處睇有咩好東西，幾年前買的香薰蠟燭終可派上用場。係iherb有又平又eco friendly的bubble bath products & 香薰蠟燭，唔水諗即係stock up 2枝bubble bath & 4枝香薰蠟燭。

繼續搜羅好的dishwasher用tablets，Ecover跟finish差不多價錢，不過佢係eco-friendly，stock up 2盒唔同香味睇吓好唔好用先。仲有大大枝7th Generation既fabric softener都係US$5.97。

盒裝risotto價錢係香港超市的一半，唔大手入對唔住自已。

仲有米跟麵粉，之前貨價平但運費貴，而家唔水左度右度運費，有DHL送到上門唔水諗即落order。

加加埋有成29.2lb，而運費都係US$16.48，由美國DHL到香港真係平到唔相信。

Window Farm - Day 24

2013年2月2日

Cherry tomato生命力強勁，已經去到18cm，要升高支燈，以免燙傷樹葉。

到Week4，另有兩件事要做：第一就是汰弱留強，4株只可以留一株，其餘3株要去掉，令剩下的一株有更好條件吸收養份及光線。

第二就是修剪樹枝，跟據種植cherry tomato的指南，主幹上只可以有5枝樹枝，第5枝以上的全去掉，用意係希望植物向橫向下發展，不要浪費養份在增高及長葉，植物收到不能長高的訊號，便會向橫發展，這亦可加快開花結果，向下發展是希望植物在較矮的地方生橫枝，這樣養份輸送快，有利果實的生長。這些technical tips都是aerogarden提供，對新手來說真的很有用。

剪下來的6株，最後生長的一株certified，剩下5株現浸在水裡，希望會生出氣根延續其生命。

芫茜再次發芽失敗，有一株發了芽，但卻死亡，其餘的就未有發芽跡象，全部certified。

Window farm的rosemary因為水太多，生長得唔多好，趁未去到最差的情況，嘗試預先幫rosemary留種，剪下一枝嘗試插枝，用植料包住樹枝放入aerogarden原本種芫茜的位置，希望會有根生長。

兩株移到window farm的cherry tomato已經適應新環境，長高了不小。

今日將生菜種子放入植料，再放入window farm內，看會否直接發芽成功。現時全院滿座，如果剪下的cherry tomato可以插枝，就要搵位置安置，希望呢個happy problem會快些發生。