朱古力戚風蛋糕

2014年4月3日

淋上朱古力漿，super好味但亦好罪惡

自己都覺得不可思議，今晚居然係第一次整Chiffon Cake，模具已買了很久，又有大焗爐，材料是家裡常備，就是沒有行動，奇怪，早幾日係babykingdom睇到有jm整，終於在人整我又整的心態下踏出第一次。

在焗爐內不斷膨漲長高

用上Godiva的cocoa粉40g，朱古力味正爆燈

脫模技術仍待改進

texture細緻綿密又夠濕潤，自Like一個。

食譜（跟babykingdom上的jm再作增減)：

蛋黃部份：

蛋黃4個
橄欖油65g
牛奶75g
麵粉70g
Godiva可可粉40g
蛋白部份：
蛋白4個
白砂糖50g
做法：
(1) 除麵粉外，將蛋黃部份材料放入大碗用打蛋器拌勻，再加入已過篩麵粉，成麵糊。
(2) 蛋白放入另一大碗用打蛋器打至濕性偏乾性，糖分2次加入。
(3) 蛋白霜分3次加入麵糊中混合，倒入模具。
(4) 預熱155度，焗40分鐘，入爐後調低至140度。
做完第一次，感覺戚風蛋糕易學難精，混合蛋白及麵糊的手法要多作練習。

高大威

2013年11月15日

真心冇買錯Panasonic麵包機，搭配日清的高粉，每星期都給我出一個高大光頭的包包做早餐。

【包餅工房】P仔 - 白麵包

2013年4月29日

基本上每星期維持整一個白方包，今日唔知因乜事包包特高，頂到上機頂，係買了P仔後第一次。

【包餅工房】丹麥吐司

2013年4月20日

今日再跟Charles Ho學整丹麥吐司，做法跟上星期的芝士酥皮包大同小異，用了專用的酥皮牛油味道當然好yummy。

【包餅工房】芝士火腿牛角酥

2013年4月13日

今日又係跟bk的jm包堂跟Charles Ho學整麵包，第一次整酥皮包，啲包包好好味，不過見到啲酥油好罪惡。

【包餅工房】煙肉洋蔥包

2013年1月16日

工聯會的面包中班，因為裝修、搬屋、生病等等，10堂最終只係上了3堂，虧大本。今日最後一課，好頭好尾，點都要去上。

今日整香草洋蔥包／洋蔥煙肉包，另外阿sir負責搓皮，一人一只洋蔥煙肉撻。 

【包餅工房】手搓包 - 粟米包&朱古力包

2012年11月21日

上了三堂工聯會麵包中班，通常下集都冇第一集輯咁精彩，呢個中班都係，班中一半同學係跟呢個阿sir由初班升上來，自然熟絡令中班變為聯誼會，好似今堂阿sir可以跟同學吹水吹到煮燶粟米餡，又整錯topping材料要重新整過，重新整過既topping料又唔夠，最後又要整另一樣topping料，整堂只可以用“混亂”來形容。

中班到第三堂都仲係學緊冇餡包，比初班更差。

【包餅工房】手搓包 - 芝士包 & Focaccia

2012年11月7日

升班了，今日是工聯會麵包中班第一課，因為初班的阿sir冇開中班，要跟另一位師傅學，每位師傅都有唔同既手勢，要從新適應，初班主要係港式麵包，中班會多一些歐式麵包。

 Focaccia最後發酵前，入爐前要在面灑上橄欖油、蒜粒及粗鹽。

 出爐喇

 芝士包大合照

我的芝士包，主要用cheddar cheese刨絲，放入長條型麵糰上捲起，入爐前在包面界一刀，掃上蛋液後入爐。

這個是阿sir示範的ciabata，番茄意式包，同focaccia做法一樣不過focaccia是將香草混入麵糰，ciabata係用番茄乾，包面灑rosemary。

【包餅工房】手搓包 - 芋頭飛碟包、芋頭墨西哥包、合桃麥包

2012年9月29日

今日係最後一堂搓包班，下星期有飲宴要缺席，提早跟阿sir&同學們說再見。

 

【包餅工房】手搓包 - 忌廉磨菇雞包、donut、炸蛋球

2012年9月22日

 炸蛋球，呢個好味又唔難整，不過諗起要開油鑊就怕怕。

內餡有雞肉、洋蔥、蘑菇，配忌廉汁，yummy。

【包餅工房】P仔 - 熱狗

2012年9月19日

日本的accessories真的很讚，出了麵包機就配上麵包機的專用麵包模，跟bk的jm一起團購了這個日本"KAI"出品的熱狗模，半份包的份量，剛好做到三個熱狗包。

加上熱狗腸＆蔬菜，就係今日的lunch box，不過啲芥末唧得好肉酸。

多謝amypekkle organise今次的團購，仲有遷就我的時間來交收，million thanks。

【包餅工房】手搓 - 雞尾包、墨西哥包、香蔥火腿包

2012年9月8日

 墨西哥包個topping唔夠軟身，做唔到薄薄一層向外瀉外的效果。

 第一次整雞尾包，收貨。

呢個最易整，轆開麵糰成長方形，舖上蔥跟火腿粒，將麵糰對摺再轆平，切條，將條狀麵糰做成扭繩，再卷成圓型，發酵至1-1.5倍大，上蛋液灑芝麻，入爐焗15分鐘。

【包餅工房】手搓 - 波蘿包(冇餡)、波蘿包(雞尾餡)、椰絲忌廉包

2012年9月1日

今晚零晨機飛韓國，上埋堂手搓包班，然後直接由課堂搭車去機場。

因為趕車要提早放學，所以拜託阿sir先完成我的包包，同學們都好幫手，配合我將所有程序都加速進行，原本落堂時間為9:45，我今晚9:05就完成所有包包踏出教室。

拎包包去機場作為上機前的宵夜。

【包餅工房】手搓 - 南瓜包、吉士忌廉包、杏仁條

2012年8月25日

 南瓜包大合照

 切開的南瓜包，不過南瓜我一般般like。

捲得好醜，用杏仁片來遮醜。

 杏仁條出爐。

 

 吉士忌廉包，我的包包沒有在包面劃圈圈。

  今日的製成品大合照。

吉士忌廉包，吉士忌廉即我們常吃的奶皇，呢個奶皇唔係好甜，yummy。

【包餅工房】黑麥方包

2012年8月22日

星期六的手搓包班有額外收獲：(1) 堂上用剩的黑麥芽精，阿sir俾了一些帶回家；(2)阿sir開一袋金像粉，問准阿sir送個麵粉袋俾我。

今日用黑麥芽精做麥包。
材料：
6g      黑麥芽精
250g  金像高粉
15g    organic maple syrup
3g      岩鹽
15g    牛油
8g      奶粉
180g  水
40g    老麵(韓粉)
0.5g   酵母
7小時天然酵母mode，淡色。

【包餅工房】P仔白包

2012年8月20日

係邊處跌倒就係邊處起身，今次將酵母放入材料內，靚靚的光頭仔返來了。

材料：
100g 水
70g   奶　
250g 金像牌高粉
17g   黑糖
5g     岩鹽
15g   牛油
0.5g  金馬利酵母
40g   老麵(韓粉)

【包餅工房】手搓－大小提子麥包、咸牛肉粟米包、士的包

2012年8月18日

麥包的色用黑麥芽精

學識整三角型的粟米咸牛肉包包

 士的型太easy，阿sir改教整扭條，賣相靚好多

 好似街買的

 入爐前掃蛋液及舖上cheddar cheese，出爐時香噴噴。

今日收獲好豐富

【包餅工房】有菠蘿餡的菠蘿包

2012年8月17日

上兩個星期上錯堂，今日上番啱個堂。

菠蘿包已經好吸引，今堂仲係有菠蘿吉士餡的菠蘿包，very yummy。

一盤有12個，可能蛋液掃得太厚，包面裂紋唔係好多。
自己只食得一個，其餘全送人。好好味，阿sir好好人，將用剩的菠蘿包面皮送俾我地，yeah可以返屋企再encore自己整。

已經上過幾堂手搓包，學識點搓麵糰，依家識用力同快好多。

【包餅工房】失敗的白包

2012年8月15日

呢排整手搓包多，冷落了P仔，今日用P仔整方包，明天可以pack三文治做lunch。用7小時天然酵母mode，將材料放入麵包筒，酵母放入酵母格，預定好出爐時間就上床瞓覺，大安旨意等明早收包。

第二天早上打開麵包機是如此模樣，再打開酵母格，見酵母原封不動，才猛然醒起用天然酵母mode，酵母要直接放進材料內，不用酵母格。

跟P仔生疏小小就出事，今日的lunch冇三文治食，要再作打算，唉！白白浪費了我的材料。

【包餅工房】手搓－甜方包、辮子包、吞拿魚包

2012年8月11日

第二堂搓包班，今次甜包個dough比咸包更易搓，用了15分鐘左右就搓好。因為時間關係yeast既份量比我平常在家整的多了一倍，包包發酵得特別快。

 阿sir好好人，上堂上得好開心，我地問題多多，佢都有問必答，介紹材料又清楚。

阿sir示範整辮子包。

 我的作品，上面個條跟阿sir教的方法，下面長啲嗰條係8月3日學的。

上蛋液＆灑上黑芝麻

香噴噴的出爐包包。

右下第二個就是我的包包，係咪好靚仔呢？ 

 仲有吞拿魚包，用沙律醬在已上蛋液的包包上唧圖案。

 出爐包包，包包本來冇香草的，我們要求下阿sir好大方的任由我地加香草，阿sir真係好nice。