鹹豬手肉批

2009年12月25日

每年都會跟中學同學開聖誕派對, 去年開始每個family都要準備一道菜, 去年整了飯后甜點strawberry yogurt mousse。今年攪攪新意思做了一頓晚餐的starter -- 鹹豬手肉批。這starter的菜譜來自這裡http://hk.myblog.yahoo.com/bb-mama/article?mid=50047

除了因買不到白酒醋以蘋果醋代替, 所有材料均跟足菜譜,不過自己覺得鹽的用量太多, 可以減少。這個菜很容易就算完全不懂煮食都整得到, 只是需要很多時間, 要煮3個鐘, 再雪藏至少8個鐘, 少啲時間都整唔到。

味道ok, 朋友話這道starter似鎮江餚肉, 如果不加甘筍,相信將更似鎮江餚肉。

離開了一年

2009年12月14日

這一幀照片是仔仔入火化爐前拍的, 佢仍然是咁靚仔

今天是仔仔的死忌, 一年過去了, 當天的一切卻仍歷歷在目。以往午夜夢迴通常令我驚醒的惡夢是入到某一考試場,才發覺攪錯考試科目,怕升不上大學而嚇醒。

自仔仔離開後, 現時反反複複的惡夢場景都是我抱著了無生氣仔仔,一直嚎啕大哭的問"冇咗仔仔點算", 但卻沒有人回答。夢中仔仔尚在懷中, 清醒後除了面上爬滿的淚痕外, 仔仔是已經不在了。