手工皂

2014年8月29日

自從開始用手工皂，就開始不斷搜尋好的手工皂，台灣阿原是必須要試的，托朋友由台灣帶了2件回來，其實香港都有得賣不過係台灣買會便宜20%，C9性格當然慳得就慳。一件甘草洗頭皂，一件苦茶皂。

用完再報告個人用后感。

后

2014年6月28日

識人賣韓國護膚品果然有著數，耐唔耐有啲試用裝試吓，最想試“后”的美白膏whitening intensive(左下角)，聽聞去斑好得，試吓可唔可以減淡面上的斑斑。

魚骨辮

2014年6月28日

今日無聊在家，係youtube發現好多教鬢辮及扎髻的教學，好多看似簡單，換上用自己對手，更證明自己笨手笨腳，呢個魚骨辮係最易上手的一個。

又探梁九記

2014年6月21日

事隔半年多再去梁九記入貨，先去乾貨店，再去凍肉店，乾貨店的戰利品照片錯手被刪除，現剩下下面凍肉店的記錄，sigh.....

乾貨店的best buy有罐頭蟹肉，Jamie Oliver意粉，法國Beurre d'Isigny牛油等。

最近開始研究血型飲食法，A型血型是素食者，跟O型的食肉型恰恰相反，A型人要食素，只可食有限品種的海產、火雞肉及corned hen，就因為咁今次係梁九記完全冇買肉，只買魚及雞。要完全食素對我來說冇乜可能，知道點食為之健康會盡力配合。

開菠蘿初體驗

2014年6月21日

夏季菠蘿當造，係Market Place一客菠蘿果盤盛惠$21.90，一個菠蘿賣$26.90，上網見自己開菠蘿好似唔係想像中咁困難，一於自己動手開。買回來時菠蘿仍是全綠，放了3天後，釘的部份開始變黃，即係已經熟成。

準備工作：準備一鍋鹽水＆之前將菠蘿 up side down放置半小時，聽說可將積聚在下面的糖份流回上面，咁個菠蘿就會全個都甜，唔會上面偏酸。

去皮去釘，用了大概20分鐘，可以分到3 containers，而且超甜，平時一個container的份量要$21.9，現在$26.9有3個containers，平好多又新鮮，覺得自己又一次成功"慳家"，掌聲鼓勵。

朱古力格仔餅

2014年6月17日

網上食譜：

低筋粉　　   100g

泡打粉           5g

無糖唂咕粉  10g

牛油(已溶)    30g

糖                   25g

鹽                   1g

全蛋一隻   約55g

牛奶               100g

做法：

(1) 先將所有粉類過篩混合，再加鹽及糖

(2) 逐小輪流加入蛋及奶，攪勻

(3) 最後加入已溶牛油

(4) 放置15分鐘後，便可入waffle機

(5) 焗4-7分鐘，視乎waffle機的熱度

同場加映白汁蟹肉長通粉，super easy lunch時段10分鐘內煮好的菜式。

用一個煲煮長通粉，用另一個鍋倒入Classico 白汁加蟹肉加調味，煮滾熄火，將蟹肉醬汁淋上長通粉，再灑上芝士粉便成。在家食lunch都可以有好享受。

Summer Shirley (1)

2014年6月8日

收到線後，打鐡趁熱，如果唔開始又唔知會hea到幾時，可能到冬天都未開始。用冬天Shirley的pattern織個夏天版。

top down

開袖，好喜歡top down seamless的織法，一邊織一邊度身，對成品比較有信心，唔似跟傳統的written pattern，織完直至完成縫合先知個size是否合身，同埋seamless比較free，唔需要死跟pattern，唔洗成日拎住張pattern sheet對來對去。

草蜢演唱會

2014年6月7日

第一場亦係第一次睇草蜢的 live，如預期中好，仲有Kelly Chan同cool魔ChiLam做嘉賓，big bonus。

梳理3千煩惱絲

2014年6月7日

最近因為轉用手工皂洗頭，而對髮品來個大革新，Tangle Teezer係朋友推薦，另一把譚木匠就係網上search，強大的工具陣容加上手工皂，希望能理出一把黑亮健康的長髮。

過端午節

2014年6月2日

應吓節食我至愛又係最basic的蛋黃咸肉糉，唔係好接受到啲新款既糉，都係傳統既得我心。另一主角就係新寵Wedgwood的tea set，應該用來盛蛋糕的蛋糕碟，今日用來盛糉，另類fusion。