做節

2019年6月7日

家人輪番不在港,

約時間做節都經幾番波折。

又去三門仔皇朝

飯後小敘

2018年2月1日

京林屋

綠茶控應該好喜歡。

賞月2017

2017年10月4日

今年跟家人在三門仔

食海鮮兼賞月，惜烏雲閉月。

不過預定的阿拉斯加皇帝蟹超好味，

皮薄有蟹膏啖啖肉。

父親節

2017年6月10日

食海鮮來來去去都係西貢及鯉魚門

今次試新地方- 三門仔皇朝漁苑

Japanese Club - Omakase

2017年3月13日

全部共有九度菜，好味又飽飽。

團年飯

2017年1月22日

今年團年食米芝蓮2星—明閣

八小碟

炸蟹蓋

醬爆雞

羊腩煲

花膠豆苗

最好味係羊腩煲

2017年1月1日

2017年1月1日

新年第一天去BBQ

秋涼掃街

2016年11月9日

今日係淘大附近掃街：

文記煎釀三寶

街邊流動炒栗子檔口：大大個蕃薯＆一包炒栗子

上海食食食

2015年2月1日

1月30日晚食sabu sabu，有2年冇到過上海，我其實想食上海菜。

1月31日自由時間，先在酒店食buffet早餐，當然要留肚。

先去三陽入了點南貨，剛好早上11點到第一站的成隆行蟹王府

必食蟹粉小籠包 

 咸香的蟹粉蛋撻

寧式溫蟹—其實係凍蟹 

晶瑩的蟹膏，yummy。 

食完高貴的菜式，第二站去食平民小店，佳家湯包。

去到第三站的上海老站已經下午2點鐘，已沒有午餐供應，只可叫些點心。

 點了驢打滾，桂花雞米糖水，紅棗糕，薺菜煎餅，我超喜歡坐在靠花園的座位，可以看見整個花園以及望住當年慈禧及宋慶齡的專用列車，一邊用膳一邊遙想當年大上海的光華。

未到下午茶時間已食了四餐，之後去田子坊轉了一圈便回酒店，晚上去酒店食尾芽宴。

真的是在弄堂內，紅色招牌，走過去要經過上面的晾衫竹。 

星期日下午回港前血拼，中午去了一間當地人推薦的小店快快的解決午餐—絕口老弄堂爆魚麵館，看名字很有格，不過只是一家平庸小店，招牌的爆魚一般，加了一塊大排人仔8元，總消費22人仔，食物算對得住這個價錢。

一蘭拉麵

2014年5月24日

難得出城，出城午餐必會食拉麵，今次終於到一蘭，星期六午餐時段，等位要40分鐘，揀咗濃味湯底有點偏咸，但食完後一啲都冇口乾，證明應該冇用味精，拉麵外加半熟鹽煮蛋及义燒，半熟蛋ok，义燒“鞋口”並非入口即溶，豚王的义燒真係正得多。一碗麵+半熟蛋+义燒=HK$89+HK$12+HK$20=HK$121。價錢跟其他拉麵店比較，普普通通唔係話特別貴。

法式新餅店

2014年5月18日

樓下商場有新的法式餅店開張，當然要支持下，試了香芒熱情果mousse撻及朱古力蛋糕，

不是十分驚艷，ok好味。

日本拉麵

2014年4月12日

今日出城，逢出城都會搵好嘢食，今日試“魂”，評語係一般，塊义燒好細塊，個湯底濃但黏性太強好膠口，份量細，我食量細咗要KO一碗完全冇難度。相比覺得中環的豚王仍是我的心水選擇。

日式沾麵

2014年2月15日

難得勇闖深水埗，去前先search吓有什麼好的午餐地點，找到這家隱沒在西九龍廣場內的日式沾面，第一次食沾面，店內有詳細的解說如何吃才是正確，豬骨湯夠濃，麵夠彈牙，OK好食。

上海生煎包

2013年6月15日

原來小楊生煎的師傅係荃灣開店，小楊係我上海食物的第一摰愛，記得8年前初到上海住，係去福州路的老店，當時好似係人仔5蚊4隻，之後福州路拆遷，就去南京路的第一食品市場食。我係每次到上海都必食這個，大愛，上海仲有油豆腐粉絲湯都好味，雖然咁多年貴了好多，但小楊生煎仍是心目中又平宜又正的美食。而且一路食，係上海生活2年的點滴湧番出來，當時雖然很寂寞，現在回頭看挺懷念的。

蛋黃咸肉糉

2013年6月9日

3星期前報紙介紹南山村有一間賣糉好出名的店，今日去完花墟順路去買糉，應節之餘，想支持本地小店繼續傳統美食。

味道ok，冇想像中咁神，而且我只喜歡傳統港式有半肥瘦腩肉、咸蛋黃、開邊綠豆的糯米糉。嘉湖的沒有放開邊綠豆，未達到我的favour。

點心

2012年6月16日

今日又出城，諗住一個人下晝差不多2點鐘去添好運都應該易搵位，點知都係人頭擁擁，惟有買外賣返歸慢慢嘆。

點了4樣點心：蝦餃、酥皮叉燒包、馬拉糕、糯米雞

最好味係古法糯米雞，自從有咗珍珠雞以後，大大隻既糯米雞已經絕跡，可以食番真係好開心同回味。

最失望係酥皮叉燒包，個餡料好咸。

平均來說，以咁既價錢質素算係好good喇。不過真係要等好耐，落單到拎到手都要成30分鐘。 

日式叉燒豬軟骨湯麵

2012年5月26日

係一田血拼後，順便係商場醫肚，首選當然係日本麵，呢間係Pokka集團旗下的日本麵店，味道好一般，豚王好味好多，2塊日式叉燒加一塊豬軟骨的豬骨湯麵要HK$86，塊叉燒又唔夠滑，隻溫泉蛋OK，搵日又要係屋企自製日式叉燒。

我係屋企整的湯麵一啲都唔會比外面的遜色，下面係我至愛既帆立貝廣島蠔豬骨湯麵，yummy！