【敗物誌】Lechuza deltini 14

2013年6月28日

種植其實好毒，開始了就想嘗試種不同的植物。水培有它的限制，最大的限制就是不能種喜乾燥的植物，之前冇注意，買了棵rosemary，莫說aerogarden單是放在window farm棵rosemary已經受不了，但是香草園又怎可少得rosemary，死死地氣係tmall淘2只好東東用來招呼這些喜乾燥的植物。2只Lechuza deltini 14，合共人仔294連運費。Lechuza deltini 美國官網每只售US$27.99未計運費，現價比官網便宜，安慰自己呢個係good deal。希望棵rosemary健健康康，唔想再做rosemary killer。

點解買隻花盤要過百蚊？係咪癲咗？答案當然不是。賣咁貴當然有其過人之處，Lechuza這家德國公司發明及生產self-watering planter ，曾經攞過2008年best of the best reddot design award。官網http://www.lechuza.com

花盤內的指示棒會顯示盤內仲有幾多水，按指示加水，最適合我呢類又懶但又唔想做plant killer的人。

【敗物誌】中SF毒

2013年6月7日

今日出城聽seminar，碰巧SF第一天public sale，又失手敗了2對，其實返工鞋已經more than enough，但見平又忍唔到手。

【敗物誌】香薰機

2013年6月28日

總認為每個地方應該有屬於該地方的味道，我的家要有我選擇的味道。除廚房外，家裡每個空間都有用不同的香薰產品，香薰油、香薰蠟燭、香薰 stick diffuser。今日又新添一員，ultrasonic aroma diffuser，屋企已有個放濕機，冬天用，雖然說是可加香薰油，但部機好陽春，唔係好敢放香薰油入去。今趟正正經經的買個香薰專用的diffuser，搭配係iherb買的essential oil。

以前用過插電的跟插USB的electric oil vaporizer ，但持久力很短，很快便乾涸，乾涸後啲漬又好難清理，又唔會自動熄機，現在已放棄使用。

又買過水濾式空氣淨化機，加香薰油一起用都算ok，不過要記得關機，而且我覺得用時比較吵及清洗比較麻煩，現在放係公司用。

Stick diffuser最安全又簡單，但壞處係一開始用就7x24直至用完，中途唔係唔可以轉味道，只係我唔會咁做。

好的香薰蠟燭未用時已會散發香氣，用時點著就更ok，通常蠟燭都係洗手間用感覺比較安全，點著蠟燭熄燈浸浴尤其有氣氛。

揀呢部機唔揀muji部機，因為muji個部好膠，不止muji一般見到的都好膠，呢部係抄由TOAST LIVING設計的Casa Aroma Genie，thann都有部一模一樣的應該係買了版權replicate，我呢部就係a貨，外殼用陶土。最長可連續用6小時，聲稱每秒震動2.4million次，自動乾水熄機。希望呢部好用。

【敗物誌】又Le Creuset

2013年6月26日

4月中日本出了這一限量套裝，掙扎了半個月，五月頭終於都係order了新的Le Creuset，一直想買個buffet casserole整西班牙炒飯或其他小炒，Le Creuset HK冇靚色，日本Le Creuset出了這優惠套裝，加上日元貶值，多個誘因下，終係rakuten的Le Creuset專門店買了，再安排集運送回香港。既然用開集運就不止order一件貨，日本的Le Creuset比其他地方的店在產品種類及顏色方面均較優勝，又會有套裝優惠抵好多，唔似香港啲套裝實際上冇乜jetso。

買了粉紅色buffet casserole，呢個套裝限售至6月30日，不過我買完後，粉紅色好快亦已售罄，又係好彩買的快。

呢set都好抵買係母親節節日套裝，我又冇花花碟，同17cm oval cast iron，又係靚靚的粉紅色，冇理由錯過。

呢件係新品，見唔貴又幾實用，揀了白色。

今次用hoyoyo，第一次用，送遞時間比tenso慢，但真係便宜多，一分錢一分服務，反正又唔係急用，就耐心等候吧。選了船運，下單時剛過了船期，要等下一班船，一等就是一個半月，今日件貨終到港，即刻去提貨，件貨keep得好好總算放下心頭大石。去片睇實物。

2件stone ware，3件 cast iron

開頭以為係白色，原來係珍珠灰白色，一併落隻白色salt crock就清清楚楚。

叫stacking ramekin set，香港Le Creuset尚未有此貨，不過呢件係made in China。

第一對LC既花花碟made in Thailand，唔會特別去追捧，家裡已有足夠多的LC stoneware，有銀兩及位置的話寧願收藏優質bone china。

3件chiffon pink cast iron - trivet、26cm buffet casserole 及17cm oval，3件都係made in France，手工及顏色都係靚到冇朋友。店舖仲送了一件magnet及日文食譜。 

即刻用個buffet casserole整了西班牙海鮮飯。前後擁有過8件cast iron，有一件細skillet grill pan送人，現在連新入宮的共有7件，又係more than enough。

減壓

2013年6月25日

心情唔好，碰上收到大減價的通知，結果就係又買鞋。已經有一對ash非常好著，不過膠邊位老化有小小爆開，見減價就入定一對replacement。

今年特別多下雨天，想買雞毛膠鞋，但不是必買不可所以本著有機會出城就順便去買的心態，所以仍未有入貨。Melissa係asos減到咁便宜，又免運費就入了2對雨天穿，叫做打了雞毛的尖。

買完心情其實冇乜改善，購物發洩呢招的威力日漸減少，不知是好事還是壞事。

iherb 又入貨

2013年6月21日

今日又收包裹，iherb今個月又做優惠，早2星期向老友們放毒，介紹佢地隻玫瑰花水，大家都有興趣，反正我要order洗頭水跟沐浴露等，就順手入貨。今次discount的金額又係可以跟運費對沖，心理上覺得係免運費，買重到死的沐浴露跟洗頭水等都冇問題。總重23.9lb，由美國ship香港，運費係US$19.98，扣discount後是免費，仲有係星期三落order星期五收貨，真爽。

日本冷麵

2013年6月21日

今日夏至，加上颱風影響熱到溶化，完全唔想食熱食，咁啱早2日睇日劇，見劇中主角食冷麵食得好滋味，等我今日都整冷麵食。菜譜from鬼嫁。

材料好簡單，做法更簡單，只係煮個麵咁大把，魚手指用airfryer攪掂。

櫻花蝦乾咸咸地，跟滑不溜口的日式豆腐好夾。就算係食沙律醬魚手指都冇罪惡感，因為今餐其他食物的卡路里好低。

上海生煎包

2013年6月15日

原來小楊生煎的師傅係荃灣開店，小楊係我上海食物的第一摰愛，記得8年前初到上海住，係去福州路的老店，當時好似係人仔5蚊4隻，之後福州路拆遷，就去南京路的第一食品市場食。我係每次到上海都必食這個，大愛，上海仲有油豆腐粉絲湯都好味，雖然咁多年貴了好多，但小楊生煎仍是心目中又平宜又正的美食。而且一路食，係上海生活2年的點滴湧番出來，當時雖然很寂寞，現在回頭看挺懷念的。

拍黃瓜

2013年6月12日

記得當年係國內第一次食拍黃瓜時驚為天人，估不到如此美味，呢啲北方的前菜從未係家裡的飯桌出現。其實做法好簡單，超市買有機細條的青瓜，因為細條，完全不需要切，洗淨後放入保鮮袋內（必須放入袋內才拍，不然黃瓜的汁肉四濺，有排洗廚房），用菜刀將黃瓜拍碎，用刀拍令瓜肉有裂縫，助調味料入味，用刀切就沒有這個效果。之後加白醋、香醋、糖、辣椒油、蒜蓉及麻油撈勻，放雪櫃半小時後便可以食用，又香又鮮，辣辣地好開胃，簡單又健康，I  love it。

水培update

2013年6月10日

Mega Cherry Tomato係在1月10日開始，至今剛好5個月，今日再有收成，有啲已經過熟，啲皮有小小爆開，呢5個月總共出了73粒小蕃茄。棵樹仍然有果實出，不過比較零星，唔知仲可以種多幾耐，如果再無大量果實，就要重新栽種，已經挑選比較大的果實留種。

下面已轉色的蕃茄差不多俾我擇曬，依家只剩幾個仍未成熟的果實。

早排棵青椒仲未夠成熟，啲花苞未開已掉落，今星期終於成功開花，希望開花後會結出果實。

蛋黃咸肉糉

2013年6月9日

3星期前報紙介紹南山村有一間賣糉好出名的店，今日去完花墟順路去買糉，應節之餘，想支持本地小店繼續傳統美食。

味道ok，冇想像中咁神，而且我只喜歡傳統港式有半肥瘦腩肉、咸蛋黃、開邊綠豆的糯米糉。嘉湖的沒有放開邊綠豆，未達到我的favour。

補充養份

2013年6月9日

今日好忙先去花墟為plants補充養份，同埋入番啲種子。之前只係買了herb用的養份，今次記得買埋果實植物用的養份。呢隻organic nutrients係德國牌子，食落肚的完全不考慮國產貨，不過市面organic的nutrient真的不多，係amazon見到好多不同牌子成份，不過運費太貴，係花墟兜了一圈都冇乜選擇，最穩陣都係呢隻德國貨。

 

【敗物誌】Canoe健康鞋

2013年6月8日

近期係日本大熱的健康鞋，標榜鞋身輕及鞋型附合人體工學設計，著住行整天都唔會腳痛腳攰，又可糾正姿勢。價錢唔貴，一對JPY4,980，趁樂天跟tenso聯手做免JPY4,000運費，只需付手續費JPY980就由日本直送到手上，order了三對，重量剛好不需要補運費。

七日瘦身巫婆湯

2013年6月2日

之前跟過西柚減肥餐單，食完後磅數不減反增，灰爆，今次再下定決心食七日瘦身巫婆湯，不過聽聞七日後好易反彈，要keep個weight先係難度，anyway打算先將磅數壓落去，再加運動去keep，希望可以維持理想體重。

第一天：早上飲了杯豆漿，就出發往超市買煲湯材料，下午煲好湯開始，整日以飲湯及食湯渣為主，再食了超市買的切件新鮮菠蘿，唔怪得咁多人跟唔到個餐單，真係好難食，個蔬菜湯用雞湯底加鹽加黑椒粉都好淡口，又快肚餓，幸好揀星期日開始，今日可以做宅女，整天在家不停飲湯，如果要上班及出街，應該好難堅持得到。

第二天：今日休假，繼續飲湯，今日可以食白灼生菜，早上磅輕了2.2磅，非常之鼓舞，不過進入第二日見到個湯已經唔係好想飲，第一日成績唔錯於是今日有點鬆懈，終於破戒，食了一杯special k。

第三天：唔知係咪因為一杯special k，今早體重反彈了1.8磅。今日只好乖乖的跟食譜繼續，幸好食物的種類開始增加，冇先兩日咁慘，食了梨、奇異果、蘋果、生菜及巫婆湯。

第四天：今早體重比昨日輕了2磅。今日本來只可食香蕉、脫脂奶及巫婆湯，但lunch要去跟banker食飯，今日破功，除了lunch外全日食了一只蕉、一盒脫脂奶及一碗巫婆湯。第一鍋超過4 litre的巫婆湯飲完，今晚整了第二鍋。

第五天：昨天破功，今朝對體重冇任何期望，唔打回原形已經好滿意，幸好冇回彈還輕了0.2磅。今日終有肉落肚，今日牛肉的建議食量為300-700g (700g = 24oz，一般食牛扒都係8oz，24oz好嚇人)，我今日全日食320g牛肉、生菜及巫婆湯。其實今日蔬菜係蕃茄，我攪錯了食咗生菜，變成今日食了生菜及蕃茄。

第六天：今早體重比昨日輕了0.2磅去到尾段，肉食可以再增加，雖然說可以放開食牛肉，但不敢放肆兩餐共食了422g牛肉、生菜及巫婆湯。

第七天：今早體重比昨日輕了0.8磅，最後一天只可食糙米及巫婆湯，不過今日出街竹戰，呢個七日plan要提前一天收工。

第八天早上最後上磅，跟第一天早上比較重了0.2磅。

總結七天：其實只有5天，因為第四跟第七天都跟唔到個菜單，只減了3.4磅，成績唔算理想，要怎樣keep住不會反彈才是真的的挑戰。

食得咁小而且幾乎全戒澱粉都減得唔多，我冇水腫問題，所以靠飲食去減磅對我唔太work，看來只有運動才有機會令我瘦。