2011年8月31日
意大利粉幾乎是我日常的主食，易煮變化又多。自從上星期成功整白汁後，今日再encore不過今日加料多放了一片普通芝士及一片cheddar芝士。未食都知道肥死，用全脂日本奶+牛油整既白汁已經肥死人，不過呢個世界真係越墮落越快樂，加上芝士既白汁又真係好味好多。
2011年8月15日星期一
【敗家誌】Galaxy S2
2011年8月15日
發緊燒都可以去敗家。
以為自己前天跑步後中暑，星期日晚開足冷氣瞓落床覺得自己身體有陣陣熱氣散出，成晚飲水同去洗手間。又好失敗的發現屋企冇探熱針，星期一等睇醫生等咗個幾鐘，睇完醫生確疹為感冒同輕微發燒，奇怪的是我除了有鼻水外一點感冒症狀也沒有，自已諗番轉頭如果真係低燒，咁可能已經燒咗有3、4日，因為身體個陣熱氣係星期四已經feel到。
去德福廣場池記食粥醫肚，食飽行去one2free睇吓部新target，碰巧有現貨，傾吓講吓就咁又敗咗部手機。
因為用開android，部機好易掌握。返屋企冇乜攪部機就去午休，保住小命最重要。
瞓醒第一件事唔係去玩新玩具，而係去張羅電話套，部機屏幕又大機身又薄，冇電話套保護好似好危險，香港既手機店乏善可陳，第1：大部份只賣iphone套，第2：就算有手機套都冇乜選擇。之前用Nexus One就買唔到手機套，最後上gmarket先買到靚靚手機套。
所以瞓醒後馬上去gmarket揀手機套，韓國出產的手機上韓國的購物網找配件，簡直是如魚得水，有海量既款式可以選擇。
選擇實在太多。最後買了一個好girlish既flip套(背面的毛毛天使翼是立體的)；另一個以art piece為主題卡片套。因為要付運費價錢一定比在香港買貴，但最重要係買到喜歡的款式，而且韓國手機套的設計跟做工比國產好太多太多，物有所值。
2011年8月14日星期日
2011年7月24日
2011年8月12日星期五
【敗物誌】New Balance 好唔得
2011年8月12日
之前有提及跑步之後雙腳大咗連自己都唔知道，其後發覺穿開的鞋不合腳才知道。
姐夫介紹去New Balance買鞋，因為佢有部跑步機同器材，佢地用跑步機驗查你的跑姿及腳型，可以幫你揀到合適既鞋。
上星期五約朋友去CWB食飯，另一目的係去New Balance買波鞋，不過去到先至知原來跑步機的測試要預約，我見佢地咁認真，就預約一個星期後再上門。
佢地主要係用攝錄機拍下雙腿跑姿，分析跑步時腳既邊部份著地先，再睇下有冇偏平足等。根據佢地美國既網頁，教我們買鞋最好帶埋對舊鞋去俾店員多啲information知道你既跑步情況，咁我又好聽話咁拎埋對舊鞋去舖頭。我同佢地講有帶對舊鞋，要唔要睇下佢地冇理我，等我山長水又遠大包小包的拎住對波鞋行來行去，激氣。
最後佢地建議買"stability"或"lightweight" model；其實佢地只有三個model揀，剩下的model係俾偏平足用，唔啱我。
"stability"鞋底膠厚啲，相對"lightweight"對雙腳保護多啲。
"lightweight" 特點當然係輕啲，令你可以跑快啲。
最後我選了"stability"，我之前係EU36.5，依家係EU37，Sale Assistant叫我買EU39碼，佢地係professional當然係聽佢地的建議。
第一次試跑就出事，對鞋超重同埋過大，鞋過大唔係好食力，感覺道力去咗膝蓋到，膝蓋唔舒服。鞋重令對腳好易攰，而開始跑到冇力時就更加辛苦。
唔心息，之後穿對厚襪同埋揀係黃昏對腳比較脹大的時候去多一次練跑，結果係冇改變，對鞋仍然唔掂。
回家磅一下對新鞋，足足俾對舊鞋重40%。
花費咁多精神時間仍然係買錯鞋，仲係so call有專業意見指導既情況下。好失敗，之後有向New Balance反映問題，佢地回覆電郵內容超敷衍，唔係要佢地有什麼賠償，但起碼要去了解一下情況，有個交代，HK$700+又成為待回收的垃圾。
所以以後唔會再買New Balance的任何產品，亦唔會建議任何認識既人去買New Balance既波鞋，建議大家買跑鞋都係去買Mizuno的波鞋。我對舊Mizuno特點都係重穩定同保護，但係就輕身好多。
新舊鞋對比，新鞋真係大好多，著上腳已經知道，不過問SA，佢話我對腳闊度正常，佢地啲鞋又標準即係冇問題，跑得耐對腳會腫大，所以更冇問題，雖然明白腳會腫大但不會脹大2個呎碼咁多，而且對鞋一啲都唔包腳，令人跑得好辛苦。唉，我信佢講反而被老點了。
【敗物誌】Oral-B 高效活氧口腔保健組
2011年8月12日
早幾個月前有朋友推薦這套電動牙刷及沖牙套裝，舊的電動牙刷要退休。以我的個性當然又係要試新東西。
電動牙刷沒有什麼新意，套上不同刷頭會有不同功能而已。沖牙機是新玩意，主要係用強力水壓沖入牙縫清理卡著的食物殘餘。即是不用牙籤或牙線清理，改為水力。試過後效果相當好，比用牙籤或牙線快捷及清理得更乾淨。不過開始時要點時間去摸索如何控制支沖牙刷，我一開始不懂控制噴到四圍都係水，用過兩三次後才受控制。
2011年8月9日星期二
瑞士汁炒牛河
2011年8月9日
星期六、日在家閉關2天埋頭清理手上雜務，實在太悶了星期一出街食飯，去太興點了紐西蘭牛柳絲瑞士汁炒濕河，材料只有河粉，牛柳絲跟2條菜心伴碟，盛惠$48。味道ok，一邊食一邊自詡我都可以做出同樣的味道。
心動不如行動，今日放工即去超市買材料: 炒河粉、沙爹牛肉(當然不是什麼紐西蘭牛)、瑞士汁、什菇。材料費合共HK$25.6(不計瑞士汁)。
除了什菇, 全部材料均不需很多洗切的功夫，最適合我等懶人。爆香蒜蓉，先下什菇，因為什菇會出水，炒什菇至乾身，再下牛肉快炒，最後落河粉同瑞士汁。全程用大火快炒，需時10分鐘。
出來的相似度達90%。味道: 雖然鑊氣比不上太興，但河粉加了蒜蓉炒什菇，味道比太興的豐富。
訂閱：
文章 (Atom)