Project U - Day 24 泥水清場,木工上場

2012年11月5日

今日主要工作係清理場地，木工師傅啲工具已到，鋪好的地板亦已用木皮封好。

熱水爐亦已經回原位，不過冇駁電又冇煤氣供應，冇得做testing。

今日開始跟PM討論廚櫃、鞋櫃及浴室櫃的設計。鞋櫃造番下圖個款，即係鞋櫃唔單止係一個鞋櫃，櫃門係一個雜誌架，今次修改了顏色跟角位設計，不過因為掩門開門時會撬牆的關係尚有一些技術性問題未解決。

鞋櫃呢個case突顯了師傅現場做櫃的最大問題：就係師傅冇辦法做光面焗漆的效果，師傅現場做手工不但貴而且仲有諸多限制，係現場做一係就係貼防火膠板，一係就是做手掃漆，比較複雜的工藝需要有廠房配合的例如焗漆就無法做，因為焗漆要在廠房上油然後用焗爐焗乾，這種工藝師傅在現場就無法去做。

浴室櫃的設計最簡單，不過我挑的西德板係特別款，仲未知有冇變數。

廚櫃上吊櫃應該冇大問題，廚房地櫃只係要煩死角位如何運用，以及焗爐散熱通風的設計。

吧枱高度未有跟PM達成共識，我心中既吧枱係一張真正的吧枱高度介乎110-120cm，我不知道PM對吧枱高度的定義。

吧枱上層枱面的物料仍未定，一去到不可以用膠板的情況就開始頭痕，我屬意好像鞋櫃用普通實心木材再在上面焗層光亮的白色漆油。現在似乎不可行，PM建議用無縫石，不過要補錢買石。我唔想花錢係張枱上面，同埋有點不忿，因為師傅工藝既限制而令我要多付錢，對我好不公平哦。