今日的主要工程係砌牆，三幅牆一天就攪掂，都幾快手。
不過視察後睇到3個問題：(1) 主人房的牆跟浴室的牆應該成一直線，依家差了一個磚位；(2)浴室對出天花有條走電線的明喉，整燈槽時係咪會被遮蓋？(3)因為主人房細咗，天花燈的位置變成不是在房間的中間位置，要搬番啱個位。
3項問題都跟PM反映了，希望有滿意的答覆。
主人房的牆，亦係重砌最大的一幅牆，新造兩幅磚牆：HK$8,800。
右邊條直線就係舊牆的痕跡，因為要擴大浴室，連廳都擴大了，主人房就縮小。
重點，重砌浴室的2面牆。
主人房門口，由主人房望向浴室。
浴室門頂會掛上冷氣機，已經拉好電掣。
由廳望入房間的3道門。
點解不是成直線？希望師傅上英泥時好好修正。
地磚
浴室磚
廚房磚
近鏡看隔音玻璃的構造，其實係用2塊玻璃，中間用鋁條，如果兩塊玻璃之間的真空做得好，係可以隔絕外面的聲音，真實效果如何，真的要測試過才知道。
師傅就係用英泥寶做防水，網上對做防水的物料有不同的意見，有的師傅用黑膠，有的師傅不用，看來我的師傅不用，單用英泥寶及白英泥了事。
沒有留言:
發佈留言