雲吞撈麵套餐

2009年6月4日

扮池記既雲吞撈麵套餐, 星期日打完波好多時都係去池記醫肚, 呢排都冇乜食過中餐, 今日又攰攰地, 不如整呢個超簡單中式晚餐 。

材料: (1) 鮑魚麵; (2) 菜芯; (3) 東東牌蝦肉雲吞, 我以為東東雲吞麵全線執笠後, 已經銷聲匿跡, 原來轉做冷藏包, 今日就試下, 大家睇到唔好噓, 對一個新近移居回港的我來說, 真係覺得新奇。

要改進的地方: 啲菜烚的太腍, 真係乜野都有學問, 單係時間既掌握就已經好考人。