烏龍事成日有，咁失暈就比較小見，bk班jm包了3堂bread class，我得獎可以上一堂，學費係正價的一半。中途上堂日子有調動過，我以為我係上8月3日的第一堂。點知人齊開始時發現材料唔夠，點人數全班多了一人，而嗰個人就係我，瘀爆，原來我應該上2個星期後的第三堂，唔知點解我的diary mark了8月3日。解決方法係付全費照上堂，係阿sir份示範材料中偷一份材料俾我。
雖然係第一次見面，班jm好好，上堂氣氛又好，今日學手搓“德國幼麥提子麵包”。
阿sir示範開粉牆，我的粉牆缺堤，好狼狽呢！
搓好的麵糰可以進行第一次發酵。
第一次學整4手辮，整完都仲好混亂，仲係估吓估吓，都唔知係咪鬢得正確。
未焗前，要在麵糰上噴水，再放入發酵櫃加快發酵。
焗前在麵糰掃上蛋液 ，灑上杏仁碎作裝飾
出爐喇，好香的黑糖及小麥味。
沒有留言:
發佈留言