2012年1月13日 煮飯週記

2012年1月13日

工作忙連煮飯的心情都受影響，又天寒地凍，上星期打了2天邊邊口內即生了一粒飛滋，攪到唔敢繼續打邊邊。唔想花心思煮食，但仍要濟五臟廟，只好揀些即食材料。

星期日：臘鴨腿、臘腸煲仔飯

星期一：XO醬炒蘿蔔糕

星期二：炒飯

星期三及四：味千拉麵+打邊邊剩下的丸丸

星期五：終於撐到星期五，唔想動腦筋諗食乜好，雪櫃有包咖哩魚蛋，就事旦係超市買了魷魚鬚、蘿蔔加埋冰箱內的牛腩，整咖哩蘿蔔牛腩，配埋個蝦子麵又一餐，可惜買唔到豬皮，唔係就可以整正宗的車仔麵。