又發燒

2012年7月27日

自4月感冒發燒後，相隔3個月同樣事情再度發生，有夠沮喪。身體一直好健康，最近的body check差不多拎滿分。

兩次情況差不多，先係上呼吸道受感染：頭痛、鼻塞、喉嚨痛，已經第一時間睇醫生，食藥有好轉，食完3日藥後即番發，比之前更嚴重，變為氣管炎＆發燒(上次仲失埋聲)，證明啲藥唔掂，星期一睇完，星期四晚上發燒，食星期一醫生開定的退燒丸，食完都唔退燒，星期五發住燒再去睇醫生，今次番發去睇醫生，好唔客氣同佢地講啲藥唔掂，退燒丸勁廢。


醫生叫我唔好唔開心，係咁易安撫下，足之開番啲似樣的特效藥。仲話呢次啲藥唔同啲，養和等等大醫院都係用呢啲藥......　


唔兇個醫生都唔俾好藥病人食，唔明香港的醫生點解會變成咁，記得小時候睇西醫唔係咁樣的......

今次全部係特效藥，上次全是普通的散裝藥，不管特效抑或散裝，重點係醫生點樣落藥，所以我係讚成醫藥分家，醫生不再需要考慮藥品的毛利，而犧牲病人的利益。