【包餅工房】P仔 - 合桃香蕉蛋糕

2012年4月11日

P仔可以用來整楓糖合桃香蕉麵包，亦可以整合桃香蕉蛋糕，昨天剩下2隻超熟蕉，再不用就爛掉，冇理由再整麵包，不如用來整蛋糕，雖然蛋糕好肥，不過真係好好味，用跟機的南瓜食譜，將100g南瓜的份量改為香蕉，其他材料份量照跟。開始烘焙時打開機頂蓋，手動將烘香的合桃放在蛋糕面。

焗蛋糕快過整麵包，用個半鐘就攪掂。

用P仔整蛋糕既好處係乾手淨腳，整完只係需要洗乾淨個麵包箱就ok，將P仔麵包箱放係電子磅上，按份量將材料放入麵包箱，唔洗好似以前咁，做一個蛋糕要預備好多大小碗，一種材料一個碗，再加上打蛋器、刮刀等一大堆工具，蛋糕入爐後仲要花時間清理。依家將麵包箱放入麵包機後就可以坐定定等香噴噴既蛋糕出爐，超讚。