紅燒牛肉

2011年12月5日

想食好菜，又冇乜時間，最好就做燜的菜，將材料準備好然後放入壓力煲內燜便可，不需要睇火，就可以去忙其他事情。

紅燒牛肉這個菜只用了30分鐘就攪定入煲，是我用lunch的時間飛快的回家準備的，放工回家就可以開飯超讚。

花椒泡油，變成花椒油。花椒油、薑片、蒜頭、料酒、醬酒及辣豆瓣醬，拌炒1分鐘。

牛肉有：牛肋條、牛腱及牛筋，全部切件。牛肉先用放了薑及蔥的熱水汆一會去除血水。

煮好的醬料加牛肉放入壓力煲燜38分鐘，約等如用明火燜2.5小時。回家再將燜好的肉，撇油後放入LC煲再煮一會，然後試食調味。

今次又係做了幾餐的份量，分開每餐的份量放入保鮮袋放入冰箱，幾時想食拎番出來加熱便可，好味又方便。

呢個食譜係跟一個台灣人寫的食譜，味道ok勝在簡單，不過仍然好懷念在台北食的老張牛肉麵，真係要搵次去台灣大吃大喝。