【包餅工房】手搓包 - 芋頭飛碟包、芋頭墨西哥包、合桃麥包

2012年9月29日

今日係最後一堂搓包班，下星期有飲宴要缺席，提早跟阿sir&同學們說再見。

 

Project U - 裝修概念

2012年9月24日

由第一間屋到第二間屋，我對裝修的基本要求從未有改變，就係全屋底色要白色，所有入牆家具最好都係白色。

全用白色原因好簡單，間屋就等如一張畫紙，只有用白色的底色才能襯托出其他的家品，如果牆壁、櫃等已經有顏色，咁再加上梳化、地毯、其他飾品，除非配搭得很好，唔係好容易給人眼花撩亂的感覺，另外，時間一長睇悶咗，如果想轉間屋的tone，已有的顏色會限制了轉tone的自由度。

而且香港的屋普遍好細，細屋又用幾隻底色，光想像都頭痕。

什麼泰國風、田園風、黑白灰又並非我杯茶。

都係回到最基本的白色，加一點原木色傢俱，再用我敗返來的比較colorful的家品作點綴、盡量擴大屋的空間感－就是我的基本裝修理念。

Project U - 裝修清單

2012年9月23日

(1)全屋換鋁窗(包搭棚)

睡房改靜音玻璃

(2) 清拆

- 全屋地台磚木地板腳綫。
- 廚房牆身地台磁磚.雲石灶頭木吊櫃磚牆一幅。
- 廁所牆身地台磁磚.企缸座廁面盤櫃鋁天花。
- 全屋雲石窗台吸咀。
- 鋼閘大門房門廁所門。                                          

- 睡房磚牆一幅。

- 廁所磚牆一幅。

- 細房磚牆部份。

(3) 全屋剷底油，防潮批盪，油ICI乳膠漆。

 

(4) 全屋新鋪地台磚.腳綫。（不包磁磚）

 

(5) 廁所新鋪牆身磁磚,地台磚。

安裝浴缸.座廁.洗手盤 。

(不包磁磚.浴缸.座廁.洗手盤）                         
新做鋁質天花連筒燈二枝，暖燈二枝。                                      

(6) 廚房新鋪牆身磁磚.地台磚。 （不包磁磚）
新做鋁質天花連筒燈二枝。                                 

(7) 連安裝雲石窗台.吸咀。（不包雲石）                   

(8) 連安裝大門房門共四隻。（不包木門.門鎖）

(9) 門框換四套花綫油水磁漆。 

(10) 廚房及廁所新做銅喉。

(11) 總掣電箱改位         

(12) 電掣換線 （不包掣面）  未計電掣

(13) 新造睡房磚牆一幅

新造廁所磚牆一幅

新造廁所磚牆部份

(14) 造開放式廚房廚櫃

(15) 造廁所地櫃，安裝廁所鏡櫃（不包鏡櫃）

(16) 造U型燈槽(包工料)

(17) 造半身鞋櫃

Project U -揀師傅

2012年9月23日

本來已經好預約好裝修師傅，等收樓就即開工，點知俾師傅放飛機。仲有2個星期就收樓，臨時臨急要再搵師傅，頭都大埋。

好在多方朋友幫忙，加上自己平日有勤力上網扒文，星期日聯絡了2個師傅去現場睇，我講解初步的裝修idea，師傅俾初步意見跟度呎。

2位師傅完全不同style，不過2位都nice，小時候對三行師傅印象係兇神惡殺有佢講冇你講，時代改變依家cfu比較好溝通。

吳師傅 - 比較傳統的師傅，你同佢講想點做點做，唔會有好多建議俾你，乜都ok咗先，肯定開工後要多花時間溝通，唔會同你諗太多，唔會好有創意，屬於明哲保身型，不推薦任何材料店舖，但應該比較易話為，唔會樣樣計到好足。

黃師傅 - 比較年輕，係隔離屋苑有地舖，主打隔離屋苑跟本屋苑，對本屋苑十分熟悉(包括管理處對裝修的限制等)，比較多建議，我提出的idea佢可以即時提出是否可行，較易溝通，不過估計比較有原則，會計得比較足，會推薦一些用過的材料店舖作參考。

最後揀邊個都係睇價錢，價錢相約就睇施工期長短再決定。

2個師傅對我提出改間隔的要求，初步評估過話可行，好開心呀，冇大廚房起碼都可以有個比較闊落的廁所。

Project U - 電器篇

2012年9月24日

電器前前後後修改了好多次，通常到香港討論區的家居設計布置處扒文，不過個度好毒，成日有ching/ctse post啲貴價高檔品出來，睇到流口水。不過budget有限，都係只可欣賞。

冷氣機

本來已經揀中一部一匹一部二匹大金冷暖變頻，但係已經俾師傅ban咗，因為係舊式屋苑，唔可以將部室外機打上外牆，只可以用鋼架拉係窗口位，所以只可以安裝窗口式分體，而窗口式分體係冇冷暖機，我的冬暖夏涼夢破碎。

窗口分體可選的牌子不多，最後揀Panasonic CSV9NWA&CSV18NWA。

洗衣機
對洗衣機毫無認識，唯一一次用洗衣機的經驗係在上海生活時，其餘時間衣物全送洗衣店攪掂，本來睇中whirlpool意大利造洗衣乾衣機，又係俾師傅ban咗，師傅話又洗衣又乾衣大眼仔條膠邊好快打柴，叫我用抽濕機乾衣，唔好買洗衣乾衣兩用機。扒文一致話金章最好，就揀咗呢部ZWS588產地意大利，容量6kg，我一般去洗衣店一次洗4kg衫，6kg應該足夠應付日常需要。

抽油煙機

呢個係估唔到既貴，因為整OPEN KITCHEN，對部抽油煙機的要求特高，扒完曬文各方均推介富士皇，日本產，抽力強、寧靜、易清潔，不過價位貴，不過呢個關乎全屋油煙問題冇得慳。

睇中呢部GF-600V

Built-in Oven

夢寐以求的一件玩具，初時因為煤氣錶問題，師傅話安裝唔到個oven，即刻好灰，不過最後提議裝係bar枱下面，師傅又冇話唔得，即刻開心番。不過budget有限，過萬既唔洗諗。揀咗好耐最終揀Whirlpool意大利產的AKZM752/IX。

洗碗碟機
要我動手做的家務不多，洗碗係日常做得最頻繁的一件家務，當然會諗辦法除之而後快。

SK26E800EU好快就睇中呢部西門子洗碗機西班牙產，不過未搵到安裝圖，未知師傅批唔批准 。

電磁爐

因為係Open kitchen所以唔可以用明火煮食，冇乜用時間search，用番我好like的P記，日本產IH電磁爐，型號：KY-C227B。

雪櫃
係Panasonic及Hitachi之爭，不過我like日立個蔬果格多啲，所以揀Hitachi，日立三門中最slim的一部，R-SG31BPH，一級能源標籤。

浴室寶
本來係必買家電之一，不過扒文後再研究過，最後取消念頭，改為安裝暖燈。

電熱水爐
原本想用番上手業主留下的簡柏熱水爐，不過個爐真係好simple，冇溫度顯示，又唔知係咪恆溫，反正煤氣公司有免息分期，都係換埋佢，暫時睇中呢部超薄恆溫TGC-TSTW168SFR。

微波爐
唔洗點揀，都係幫襯P記，變頻內置式，NN-SD681S。

酒櫃 - optional
叫做人有我又有，打算放係鞋櫃上面，Vinvautz VZ18BN可存18枝酒，聊勝於無。

暫時係咁決定，最終係咪可以如願，要等師傅ok，又要睇彩數，要件電器有貨至得。

【包餅工房】手搓包 - 忌廉磨菇雞包、donut、炸蛋球

2012年9月22日

 炸蛋球，呢個好味又唔難整，不過諗起要開油鑊就怕怕。

內餡有雞肉、洋蔥、蘑菇，配忌廉汁，yummy。

【包餅工房】P仔 - 熱狗

2012年9月19日

日本的accessories真的很讚，出了麵包機就配上麵包機的專用麵包模，跟bk的jm一起團購了這個日本"KAI"出品的熱狗模，半份包的份量，剛好做到三個熱狗包。

加上熱狗腸＆蔬菜，就係今日的lunch box，不過啲芥末唧得好肉酸。

多謝amypekkle organise今次的團購，仲有遷就我的時間來交收，million thanks。

攪笑

2012年9月14日

今日唔係我的生日，卻收到一束祝我生日快樂的花花。超攪笑，原來係我一向幫襯開的店舖攪錯了。

Reply 1997

2012年9月11日

今年有2套懷舊劇堅好睇，一套係台劇“我可能不會愛你”，睇完每個女生都希望身邊有一個大仁哥！

另一套係韓劇“REPLY 1997”，睇完每個女生都希望身邊有一個尹雲宰！

2個故事都係由高中開始，台劇以現在進行式開始，穿插過去的片斷，最終男一女一修成正果；韓劇起點係現在式，同樣穿插過去片斷，劇中男一女一已收成正果，不過究竟所謂的正果內容如何，就係劇中最大的懸念。

2套都係講80後有濃濃的懷舊Feel。一路看一路回想自己18歲時是啥模樣，緬懷一番。

【包餅工房】手搓 - 雞尾包、墨西哥包、香蔥火腿包

2012年9月8日

 墨西哥包個topping唔夠軟身，做唔到薄薄一層向外瀉外的效果。

 第一次整雞尾包，收貨。

呢個最易整，轆開麵糰成長方形，舖上蔥跟火腿粒，將麵糰對摺再轆平，切條，將條狀麵糰做成扭繩，再卷成圓型，發酵至1-1.5倍大，上蛋液灑芝麻，入爐焗15分鐘。