【敗物誌】Nespresso coffee machine

2011年12月9日

平嘢唔耐用，此言非虛，早幾個月買的大陸OEM意式咖啡機，整奶泡支管用過10幾次後已經只可以斷斷續續的打奶泡，試過用咖啡機專用藥丸洗機，都沒有改善。

決定趁年尾去舊換新，換了這部超級方便的Nespresso machine，意式咖啡的重點是用7-9bar熱水壓力沖過壓實的咖啡粉，而萃取出espresso，之前用的咖啡機是將磨好的咖啡粉用人手倒入濾器，之後熱水沖過濾器萃取出espresso，萃取出espresso後要倒掉咖啡粉，清洗濾器及咖啡機，清洗的工序都得花時間，我用來清洗咖啡機所用的時間肯定多過喝咖啡的時間。

科技日新月異而且令生活更美好，早幾年已經發明了用capsules("粉囊")代替人手倒咖啡粉入濾器，原理跟茶包是一樣的。當然傳統的沖調方法，出來的品質是最好的，但論方便則capsules肯定勝一籌。現在只需放capsules入咖啡機，一按掣就有咖啡喝，完成後取出粉囊便可，完全免去洗咖啡機的功夫，超爽。

一開始時是想選illy，之後才選上Nespresso，原因是Nespresso的口味比較多而且local service比illy優勝許多。粉囊的價錢唔算貴，比我自己買咖啡豆磨粉還要便宜，粉囊一條10個，每條大概HK$52-60。

咖啡的品質比什麼StarB、PacificC好太多，而且便宜。

另外，非要一讚它的打奶泡機，打出來的奶泡超綿密，而且超寧靜，打奶泡時一點聲音都沒有。

如你在商場內見到Nespresso的promotion counter，不要客氣去試他們即場沖泡的cappuccino咖啡，不計期間限定品，它有16種口味可以挑選。

2011年12月9日 煮飯週記

2011年12月9日

今個星期太忙，忙到自己都亂曬籠，唔知道煮乜野好，入到廚房係度發呆。

星期二：豬肉串燒

一直念念不忘在上海街頭食的孜然羊肉串，一直都不知道孜然粉原來就是cumin seed powder，今個星期上開網至知。

家裡一直有cumin seed又有2嚿唔知用來整乜好的豬肉，就將cumin seed放入coffee grinder打成粉，再加上其餘的醃料來醃豬肉，做成豬肉串燒，用LC grill pan來燒，孜然粉的香味遍佈全個廚房，最後用又係買咗一排又未諗到點用的燒汁蘸這個串燒。就係在廚房摷到乜就用乜的情況下，整好這個好奇怪，但又幾好味的豬肉串燒。

星期三：砵酒蠔

星期四：打邊爐

簡簡單單的番茄湯湯底，又係Cath Kidston同LC雙劍合壁。

星期五：煎牛扒

由省城回到家已經8點幾，冇精力慢慢煮飯，又唔想出街食，淨係諗可以去邊度食已經想死，好在昨日買火鍋料時，順便買了牛扒，今晚又做牛魔王。

7成熟剛好。

【敗物誌】Panasonic 麵包機 BMS104

2011年12月8日

閒時會上BK的forum睇下有咩嘢新資訊，BK烹飪錦囊內對各款麵包機的討論一直都好熱烈，Panasonic、象印、Kenwood跟柏翠等幾個牌子各有捧場客。一向對Panasonic的家電有信心，佢的麵包機好出名，不過香港代理並沒有引入，要買只能到台灣跟日本。

只需將麵粉、酵母、牛油、水等放入機器內，幾小時後就有香噴噴的方包食，是否好神奇？

成品有14cm，剛好合格，麵包機一樣會受溫度和濕度的影響，會有失敗的情況，不過相信會比全手工做的失敗率低。

麵包雖然只需5-6蚊就有一個，其實整麵包比整蛋糕困難，單係要揉出筋膜就很花功夫，而且發酵又要發得好，失敗率是很高的，時間更是一個問題，麵包工序多，單發酵就有2次，除非是全職主婦，不然要平日在家整麵包時間的配合係一個大問題。

做麵包的用具可以好簡單，如果全程人手搓包，只需要焗爐便可。如果唔想搓到手都斷就要多買個mixer。Kitchenaid的mixer便宜的都要HK$2,000+。

計落一個全自動的麵包機更化算。今次敗回來的是Panasonic最新款(BMS104)的１斤容量的麵包機，是經日本代購由日本訂回港。

此機最吸引的地方是除了可做不同款式的麵包外，還可整蛋糕、意大利麵、果醬、朱古力、yogurt、麻糬。單說明書內就有50+食譜，每一個都想試。

第一機成品 - 當然是最簡單的白方包。

皮薄而脆，內面軟熟，好味呀！！最唔喜歡食硬硬的麵包皮，掉去又好浪費，麵包機做出來全是薄皮的，最啱我。越來越多玩具，冇法子不忙。

【敗物誌】Hitachi NC-5500 FACE CRiE 離子導出機 - 使用報告

2011年12月6日

呢排食得好嘢多，又轉天氣，面上猛爆暗瘡，非常沮喪。研究好耐想買導入導出機，導入導出一體機好貴，而且導入function又要用指定的serum，比較麻煩。最終都係先試導出機，Hitachi這部口碑幾好又唔算貴(HK$480)。

呢件新玩具既原理係用靜電吸走毛孔既污穢嘢,如死皮、代妝品殘跡等。

用法：將化妝棉夾入機內，倒卸妝水在化妝棉上，開機係面上碌3分鐘，完成。

卸妝水用Bioderma的紅水。

右手面係碌完面，平日好少化妝，返屋企後先用雪花秀的Liquid Cleansing Foam洗面，仍有咁多污跡。

左手面係碌完頸，估唔到條頸咁污糟。清潔效果挺滿意的，又方便，希望長期用可以幫我清除黑頭。

【敗物誌】執到筍貨

2011年12月5日

Piago做週年慶，路經睇吓有什麼好康的東西，就這樣給我挖到一只LC 27cm oval dish而且是cassis色，cassis色只有Lane Crawford有賣，而且是特價品，又冇乜瑕疵，為何有一只漏網之魚放在Piago賣是個謎。

上星期忘記LC只可承受260°C的溫度，我將焗爐調高過260°C，隻26cm rectangular dish就這樣壯烈犧牲了，以後必定會記得260°C這個數字。

不過原來係舊的唔去新的不來，只不過幾天就有新兵上場，而且呢隻更靚。

27cm大碟原價HK$478，依家賣HK$238，抵買到唔相信，拎上手即緊緊的抱著不放。

紅燒牛肉

2011年12月5日

想食好菜，又冇乜時間，最好就做燜的菜，將材料準備好然後放入壓力煲內燜便可，不需要睇火，就可以去忙其他事情。

紅燒牛肉這個菜只用了30分鐘就攪定入煲，是我用lunch的時間飛快的回家準備的，放工回家就可以開飯超讚。

花椒泡油，變成花椒油。花椒油、薑片、蒜頭、料酒、醬酒及辣豆瓣醬，拌炒1分鐘。

牛肉有：牛肋條、牛腱及牛筋，全部切件。牛肉先用放了薑及蔥的熱水汆一會去除血水。

煮好的醬料加牛肉放入壓力煲燜38分鐘，約等如用明火燜2.5小時。回家再將燜好的肉，撇油後放入LC煲再煮一會，然後試食調味。

今次又係做了幾餐的份量，分開每餐的份量放入保鮮袋放入冰箱，幾時想食拎番出來加熱便可，好味又方便。

呢個食譜係跟一個台灣人寫的食譜，味道ok勝在簡單，不過仍然好懷念在台北食的老張牛肉麵，真係要搵次去台灣大吃大喝。

跑步日誌 2011-Dec-04

2011年12月4日

比賽後的第一次練習，比賽後四頭肌足足痛了3天，今天沒有什麼目標，就是隨便跑跑，看看之前比賽出現的問題有沒有復發，幸好一切回復正常，只有身體仍稍累。天氣超好，很適合跑步。

【敗物誌】出省城買豉油同臘味

2011年12月3日

家距離公司只有20分的腳程，每日來回公司跟住家，每個週末回一倘父母家探望兩老，漸變為一村姑，平日無事是不會出省城(我心目中的省城是中環、尖沙咀跟銅鑼灣)逛逛。難得今天有事要出一倘省城，當然要好好利用這機會置辦些物資。

先規劃好路線就不會行冤枉路。

第一站：九龍醬園(嘉咸街9號) - 買豉油

子羌跟皮蛋，最佳拍檔。

第二站：LC Flagship Store (雲咸街31號)

本來是想搜購雅枝竹瓷盅，不過仍未到貨，空手而回。

第三站：鏞記酒家(威靈頓街32號) 買臘味

拎住大包小包滿載而歸。

【敗物誌】LC 瓷蔬果烤盅 - 全體集合

2011年12月3日

我個性急躁，諗起一件想做的事就會想盡辦法。早兩個月跌入LC的魔障，開始搜集其瓷蔬果烤盅，此miniture一共有17件，有散件亦有系列。香港沒有齊整的一套售賣，只是有零星的幾件。

如果要購齊17件，可以去世界各地的LC shop碰運氣，另一方法就係網購。網購係我的強項，上天入地終給我搜齊了回來。

早幾天有一些同樣喜好LC的blogger報料，在台北3只miniture只售2,000台幣，約HK$180一只。即刻額角滴汗，我有好幾件是用上兩到三倍的價錢在ebay的洋婦手中買的，還是用Fedex快遞回來耶！呼天搶地一輪後，只怪自己個性不好因此又做了冤大頭，江山易改品性難移，算了。

看見17件miniture整整齊齊的在一起，還是挺滿足。

最貴的幾件：蒜頭、綠椒、紅蘋果和啤梨，分別是US$60、US$50、US$42和US$42。

最抵買是4隻莓，一套只賣US$80，幫我溝淡了不少。

最後搜到的一件，是LC香港店12月剛新入貨。不過香港店食水深，1件索價HK$338。

2011年12月2日 煮飯週記

2011年12月2日

唔知點解成日都咁忙，公事家事一大堆，煮食其實係元兇之一，又要買餸又要搵食譜超花時間，雖忙卻是另類的減壓活動。

星期二：周打魚湯，本來係整生炒臘味糯米飯，浸好冬菇、蝦米同江瑤柱，卻忘記浸糯米，要臨時變陣。幸好冰箱有齊周打魚湯的材料(蝦仁、鯰魚肉、帶子、蜆肉、雞湯、牛奶)，再買個薯仔就攪定。個酥皮烤得太過，燒焦了。

星期三：生炒臘味糯米飯，用料十足，有冬菇、蝦米、江瑤柱、臘肉和臘腸，糯米炒不到一粒粒全粘成一堆，超失敗，呢排炒飯全失手，真係要好好苦練炒飯。

星期四：魚腐烏冬

鍾意食茶餐廳的魚腐米線，原來魚腐都幾容易整，今次係跟Rachel Yau本『巧手小菜DIY』內的食譜做，個外型做得麻麻地，下次可以整得靚啲，今次炸得耐咗，下次又可以再改進。