千頌伊星星杯

2014年8月4日

橙盒係好多女人的心頭好，呢次小敗了之前大熱的星星杯。

新鮮由日本直送，香港已經斷貨，幸好係樂天搵到，而且碰上集運公司做免運費，最後只付了JPY150運費，隻杯就遠渡重洋由日本送到我手中。

山茶花烏黑液體洗髮皂 (2)

2014年8月4日

上次上課做的皂基只是半成品，要回家完成下半部份，將皂糰放入不锈鋼兜蒸一個小時，重新令整個皂糰溫熱，然後放入保溫箱48小時，最後取出用保鮮紙包好，繼續皂化4-6星期。

呢件就是蒸好，進入4-6星期等待期的皂基。

種有機菜 (1)

2014年8月2日

今星期開始連續8個星期去天台農莊學種有機菜，第一課教有機耕種的基本概念、基肥及播種方法，然後親身實踐。

所謂不時不食，種菜當然要睇時令，Instructor俾了幾種菜予選擇，最後揀了紅莧菜、芥菜胆及菜芯，另送了一棵薄荷給我們學習插枝。

完成播種，每位學員有一塊2呎x3呎的小田，菜田如何規劃自己決定，當然Instructor會俾意見。

一週自煮

2014年7月30日

 

另一款Caesar Salad。金菇豉汁魚扣炒烏冬，魚扣係一樣奇怪但我好鍾意食的材料。

泰式蝦仁豬頸肉粉絲沙律。健康的五穀飯拼甘筍三文魚。

修成正果

2014年7月30日

差不多兩個月的等待，戰戰兢兢的進行人工授粉，水培小青瓜開始慢慢長大，不過現時只有2吋長，呢個係小青瓜種，唔知會長到幾大，拭目以待。

Summer Vogue Jacket (2)

2014年7月30日

完成大圓餅，尚欠Lace edge及衫袖。

山茶花烏黑液體洗髮皂 (1)

2014年7月27日

用手工皂洗頭的效果一直不如理想，所以好期待今日的workshop，希望可以整支合自己用的洗頭水，順便俾個專業人仕指點迷津。

相對手工硬皂要自己用打蛋器打起個皂，呢個液體皂冇需要體力勞動，但處理氫氧化鉀時要比處理氫氧化鈉更小心，因為溫度更高。

開頭以為成品係一支支的洗頭水，原來是美麗的誤會，今堂只係半成品，回家仲有工序要完成，完成好所有工序後，就會製成淺琥珀色的皂糰。

將皂糰跟純水以1比3的比例溶化皂糰，再加入對頭髮有益自己又喜歡的精油及粹取液，搖勻就可以用來洗頭。

下面左手邊的就是今日整的半成品皂糰，右手邊就係已經完成的洗頭水，老師向每位同學分派30g成品皂糰，加水溶化後再加上自選精油，老師建議我用5滴依蘭依蘭精油及10滴何首烏粹取液再加上2g甘油，第一次自己tailor-made洗頭水，like！不過係咪100%適合自己就要用過至知。

洗頭水不含防腐劑，2星期內要用完，而成品皂糰則可存放8個月，一諗起可以每次tailor自已的洗髮水滿興奮的。

試用handmade洗頭水，效果滿意，洗時髮質係比較澀，不過洗完吸乾後，跟老師教的噴花水，另抹上我用開的髮尾油，效果跟用普通洗頭水差不多，當然呢個方法健康好多，少用化學品對環境保護都有助益。

手工皂 (2)

2014年7月27日

今日返去workshop拎2個星期前做的手工皂，個皂名係“美白滋潤手工橄欖皂”，不過跟個friend同樣有濕疹問題，上堂時問准老師加入艾草粉，所以塊皂係綠綠地色。

因為有模具輔助，切皂冇難度，有波浪刀及一般的切刀可以揀，皂章就有10幾個揀，最緊要係date stamp，記住件皂幾時開始風乾。切好的皂要放係陰涼通風處風乾4-6星期。

4-6個星期後當件皂的ph value降至8左右，件皂就可以使用。

坐墊

2014年7月23日

最近右邊盤骨痛，痛到影響右腳行路，好怕係上次頸椎問題的延續，得高人指點，用原始點手法按了幾天後已有好轉，但要由根源解決問題：盤骨痛源於久坐及坐姿不正確，咁打工仔好難唔長時間坐係個位度工作。如何可以長時間坐又要坐得姿勢正確？

係萬能的互聯網搵到佢，其實係我孤陋寡聞，各大商務印及三聯書店已經賣了一段時間，我係先搵到美國官方網頁，不過唔睇尤自可一睇就發覺香港的零售價貴一倍，美國零售價USD33.9；香港零售價HK$548.0。馬上發揮網購功力，係amazon order 2隻，計埋運費每隻成本HK$350，仍便宜一大截。

講番件產品，個坐墊睇落好簡單，坐落又真係自然令背部伸真，呢啲人體工學原理真係幾神奇，不得不佩服美國人的科研技術，一件簡單的產品內含多少科研時間精力，呢啲軟實力我國如何吹噓其財大氣粗，仍難以望其項背。

其實Amazon攪錯我的order，我ordered一隻Posture+，一隻Relief，但就收到2隻Posture+，下面就係後補的Relief，Relief有薄薄的cushion，比Posture+好坐，Posture+坐得耐會咬肉，要加cover。

串燒

2014年7月23日

今個星期壓力滿滿，化壓力為食力，整好嘢食慰勞精神上的勞苦。

超正的雞肉串燒，雞肉先用鹽、糖、沙爹醬、香芧碎 (原支香芧用攪拌機打碎)撈勻，醃過夜。

自製加料沙爹醬：沙爹醬2大匙、豆瓣醬1大匙、椰汁一小盒、花生醬1大匙及椰絲一大匙，撈勻煮熱便成，呢個加料醬有2用，第一燒烤雞肉時的抹醬，第二為食時的沾醬。

串燒平排放入airfryer每邊10分鐘，2-3分鐘後掃上自製加料沙爹醬，10分鐘後反轉，之後再掃上沙爹醬，整條沙爹串燒保證超入味。

今次加入韓風元素，不僅僅是串燒，加入有機生菜，整生菜包肉，唔會啖啖肉咁油膩，食多啲菜感覺健康啲。

另一天的午餐，不同combination的Caesar Salad，今次有羅文生菜、些少紫菊苣Radicchio、提子乾、芝麻沙律醬、煙肉粒、芝士粒和松子仁。夏天食真的很正。