Royal Copenhagen 入門

2012年1月26日

下午開市，出發去公司前，剛巧UPS送過年前訂的靚靚瓷器到家，收好貨後匆匆出門。

晚上飛快回家開箱，Seafood痕，要求瓷器全部gift wrapped。隨盒附送2本靚靚catalogue。

花紙用blue fluted mega的圖案。

初入門由discounted price items入手，買夠Euro150全球免費送貨。

買了2只樹葉碟、2只菱形碟、一只普通圓碟、一只大瓷蛋和一只小瓷蛋。

由LC的stoneware開始中了瓷器毒，現在一見靚靚既bone china就雙眼發光。Royal Copenhagen的手繪瓷器相對英國的Royal Albert, Wedgwood，日本的Noritake, Narumi均偏貴。平日用真的很奢侈。

所以有人喜歡只作收藏，不過我買番來就一定會用，如果用的話就有機會跌爛，所以都係買啲平小小的，跌爛都冇咁肉赤。

用作收藏就買飾品類如今次的大小瓷蛋，蛋上的圖案全是人手繪畫，靚到冇朋友。

三糕齊發

2012年1月22日

今年係前所未有的勤力整糕，年29整紅棗糕，上次的紅棗糕糕身較實，今次加重紅棗份量，質地軟熟好多，而且好重紅棗味，成功。

年初一早上用P仔整香噴噴馬拉糕，跟番上次個做法，P仔永冇失拖，成功。

年初三要趕快消滅家中剩餘的臘味，最好就係再搵Robert Ko，半底俾媽咪試味，剩餘當為晚餐一餐KO半底。

自己食梗係落重料。

用新到的Royal Copenhagen樹葉碟，好滋味。

Display

2012年1月25日

自從接咗LC大大小小的stoneware回家後，一直都係放係盒內，冇乜idea點樣display出來，逛ikea見到個平平地的薄身櫃，應該可以放得下LC的一家大細，馬上下order，年尾流流仲諗住要一兩個星期先可以送貨跟安裝，點知SA話初三就可以送貨跟安裝，當然即時應承佢。

暫時安置住LC的stoneware，不過過幾日會有新朋友，同埋以後陸續都應該有新朋友，到時再煩點樣安置。

跑步日誌 2012-Jan-24

2012年1月24日

今日的目標是21公里，由荃灣西鐡站跑至小欖後折返，今日係10個凍在海邊我估計只有6-7度，warm up時有絲絲微雨，勁大風，跑過深井後轉大雨，又濕又冷，雖然下雨跑步是10個cool，不過病了可不是講笑的，最後都係打車折回起點回家泡個熱水澡，今日的成績只有6.78km，練習失敗。

晚上去了寶哥味館打邊邊去去寒氣。

跑步日誌 2012-Jan-21

2012年1月21日

年尾收爐前最後一次長課，路線是很久沒有跑的青山公路由荃灣西鐡至豪景花園一段，來回共16km。今日天氣清涼，都跑得幾舒服，自從改過跑步姿勢後，跑得冇咁吃力，耐力有少少改善。希望年初二的21公里長課都可以好似今日咁順利完成。

【包餅工房】包包書

2012年1月18日

整包包既書，當然係日本人最厲害，不過台灣人都不弱，加上台灣出版業興旺，除了台灣人寫書多外，佢地又喜歡翻譯日本書。所以想買包包書，台版書是不二之選。

趁老大去台北觀摩台灣大選，機不可失馬上搭佢幫手買書。買書容易打理收藏卻甚艱難，所以都係貴精不貴多，買住呢幾本看門口。

2012 另一個B DAY CAKE

2012年1月18日

今日係老爸正日的農曆生日、明天是我的新曆生日、兼且又要食團年飯，時近年尾冇可能逐件事分頭慶祝，於是今晚係觀塘聘珍樓食餐勁既一併解決呢3件事。

多謝Mr. K一如以往的供應優質紅酒。Judy千辛萬苦的出錢出力的帶來了一個靚靚蛋糕。

【包餅工房】P仔 - 馬拉糕

2011年1月15日

P仔BMS104型號比之前的型號多了一個容器，呢個容器可以用來溶朱古力又可以用來蒸糕。今日就用在親子王國內的馬拉糕食譜，食譜是用鑊去蒸糕，今次試用P仔去蒸糕。先將麵包容器拎起葉片，加100ml水在麵包容器內，將馬拉糕材料拌勻後倒入蒸糕容器，蒸糕容器套在麵包容器上面，P仔預設的蒸糕時間是35分鐘，之後再有追加時間功能，因為天氣凍我追加蒸多5分鐘，出來的馬拉糕好ok，除了中間有小小未熟透，下次可以再追加蒸多10分鐘。

呢個蒸糕function超讚，第一用水小，只用100ml，40分鐘後仲有水在麵包容器內，第二預較function唔洗睇火同睇住有冇燒乾水。

大成功，再一次證明P仔冇甩拖。

多謝CT1219的馬拉糕食譜http://www.baby-kingdom.com/forum.php?mod=viewthread&tid=4491540&extra=page%3D6

2012 第一個B DAY CAKE

2011年1月15日

有幾個朋友每年都好有心，記得我生日同埋會同我慶祝，反而我就成日唔記得佢地生日，我係咪好衰！！？？

今年收的第一個生日蛋糕，好開心。Thank you C, I 同Y三位靚女。仲有要特別鳴謝I,C及LC一家的打邊邊大餐。

跑步日誌 2012-Jan-15

2012年1月15日

今個星期忙爆，今日亦只能抽出一個小時練習，下午3時開跑，開始時是毛毛雨，雨勢越來越大，幸好今日氣溫不算低，跑時都幾舒服，反正在夏天跑步時已習慣全身汗濕的感覺，下雨的濕透不會令人特別難受。平日熱鬧非常的青衣運動場，因為下雨今日幾乎沒有人，有幾個時段只有我一個人在跑圈，我覺得自己cool得很hahaha。

未嘗試過在下雨天練跑，今日增加了下雨天跑步的經驗，如果比賽日下雨都多小有些心理準備。