Tolo Harbor 10km #842

2011年3月27日

(跑完4公里, 開始進入第5公里)

生性懶散, 要保持自己繼續跑嘅恆心, 最好就係參加公開賽, 有目標就有繼續鍛鍊的動力, 今日跑了第5屆吐露港10km比賽。

(最後100米)

之前睇一些運動節目的採訪, 常聽到"冇狀態", "傷患困擾" 其實唔係太明暸其中的情況。跑渣打10km前膝蓋受傷, 令我體會乜野係受傷, 無法運動既情況。跑完渣打10km後一星期復操, 完全係冇mood冇勁, 成個人好頹廢, 終於知道乜嘢為之"冇狀態"。 吐露港10km前一星期, 先去跑一次探路, 3月18日(星期五)跑了5km, 隔兩天3月20日(星期日)一開跑, 小腿就係曬乳酸, 邊跑邊酸痛, 跑+行8.5km就用了1:14, 最終都係完成不了10km要放棄。 吐露港10km係一個小型比賽, 參加人數限制為1,000人, 參加者相信都係喜歡跑的人, 不似渣打10km什麼人都有, 有一大班沒有準備的人做墊底, 但今次就唔會有呢類人做墊底, 壓力大好多。 休息了一個星期, 其中又唔敢練習, 冇狀態又夾硬練只會受傷, 好擔心星期日會唔會好似上星期咁跑唔到。 開跑前熱身時仲係惴惴不安, 上星期日的陰霾揮之不去, 真係唔知自己今日狀態如何。而且身邊既參賽者無論男女個個都好pro既樣, 好緊張。今日天氣預告: 天陰寒冷早上有雨, 45分鐘前(即早上8點鐘)到會場取號碼牌及計時晶片, 吐露港又大風又凍, warm up完好快又cool down, 幸好冇落雨, 否則更凍更辛苦。 一開跑好開心的發現上星期的乳酸冇出現, 不過要逆風跑, 一邊跑一邊吹到流鼻水。邊跑邊小心注意雙腳的情況, 膝蓋有沒有很大壓力, 小腿有沒有酸痛。不過果然係高質素比賽, 一開始我就不停地被人過頭, 跑了一半就見到對面線帶頭個班人已經向終點前進(最快返終點的時間好似係33:20, 快過我的時間一半有多)。 跑完6km都冇特別情況發生才放下心頭大石, 開始放開跑。 第一次同人鬥快: 由7km開始發現有一個高瘦帶黑超黑帽的男跑手(#3146)係我傍邊, 佢跑的戰略好奇怪, 佢係快跑一段又行一段, 我就一直以均速跑, 所以佢行時我會跑在他前面, 佢跑時又會追過我在我前面, 最後3km就係咁我跟他不停交換帶頭位置, 幾次後佢成為我的假想敵, 最後1km我拼盡跑, 希望可以快過他衝過終點, 雖然因為體力限制, 有點力不從心的感覺, 幸好衝線時我沒有被他追過, 叫做有一個小小的勝利。 最後好幸運地我早前擔心的事情完全沒有發生, 而且還創出自己10km的personal best record以大會chip time 1:07:14完成。再一次證明休息跟訓練同樣重要。而且天公造美, 跑完後11點多才開始下雨, 給了我們一個適合比賽的好天氣。另一個好消息, 就是跟我一同參賽的brother-in-law, 佢亦創出personal best record係1小時內完成10km。 之後佢請我去了西沙食了餐豐富的泰國菜, 正呀, 今天好happy。

鴨絲炆米

2011年3月18日

昨天晚上跟老闆去應酬外國來的同事, 3個人係唐宮點咗一隻填鴨、每人一隻蘑菇釀響螺、炒菜、炒鴨鬆、一條細東星、糖水等。見隻鴨食咗好少, 離開時我打包隻鴨拎走, 回家拆肉, 足足拆出一大湯碗的鴨肉。

上網搵鴨絲炆米的菜譜, 我好少食米粉, 完全唔知點樣整來食, 按食譜來做, 煮出來都算像樣。

1小時12分48 秒

2010年2月20日
今日好輕鬆咁完成10km的路程, 東廊比想像中容易跑, 天氣算係幾好, 凍凍地, 開跑前又停咗雨。
時間一般, 可以再做好啲, 賽後檢討未能跑得更好的時間, 有幾個原因:

(1) 冇做實地探路, 所以冇估計難度, 開始頭5km跑得好保守, 相對跑開的荃灣至深井, 東廊易好多。
(2) 路濕地滑, 我見有人跣倒, 落斜時都唔敢跑得快, 到衝線個刻, 有2個大漢係我傍邊滾地葫蘆, 都咪話唔驚, 跑得唔好唔緊要, 最重要係順利完成, 總好過要俾人抬上車。
(3) 戰略太保守, 我到最後1km先放開來跑, 咁啱最後1km有一段上橋, 想跑快都唔得, 太遲發力追唔番啲時間。
(4) 最後一課係13日去gym跑, 用跑步機跑了10km可能去得太盡, 膝頭痛足6天到星期六先冇事, 之前日日係度擔心會唔會跑唔到, 日日食glucosamine, 星期日對腳完全冇事可以去應戰, 已經好開心。跑時有擔心膝頭會唔會承受唔到。好好彩, 今次跑完膝頭冇痛, 可以繼續玩下去。

今次跑得好輕鬆, 完全唔辛苦, 衝完線感覺仲有氣力可以跑下去, 雙腿又唔算好累, 證明留力留得太多。

不過可以順利完成, 沒有白費4個月的訓練已經好滿足, 同埋好多好多年沒有參加比賽, 呢個仲係大型公開賽, 又真係幾好feel, 好好玩。

開飯在宜家

2011年2月13日

IKEA家具標榜平靚正，對我來說真正平靚正係佢既cafe。

4隻雞中翼才HK$10，相信係平絕全港茶餐廳。

主菜是薺菜釀鴨胸，味道OK，又可以要求師傅俾多啲菜同白汁，非常之飽肚。

港產牛奶

2011年2月7日

一直以為香港只有神樂院有出產牛奶，原來係石崗一條村內有港產牛奶，制奶農場內養了羊，小朋友可以喂羊，另外有小食亭可以買牛奶及其他小吃。

更詳細的介紹http://202.85.162.100/moPrintContent.cfm?article_ID=(%22%2CC%3FPO%3B%24%20%22%24%20%0A&CAT_ID=2

小吃推介 - Wasabi味原粒夏威夷果仁

2011年1月30日

辦年貨時無意中發現這包Wasabi味原粒夏威夷果仁，Wasabi味不算太強烈味道剛剛好，HK$56一包，對於小吃來說算小貴，但物有所值。

花雕蛋白蒸蟹

2011年1月29日

超喜歡食蟹，呢味花雕蛋白蒸蟹係大愛。

台北午餐

2011年1月23日

去年開始參加每年台北公司的尾牙宴，夜晚宴會，日間當然是去吃地道美食，第一天去吃了非常非常好味道的台灣牛肉麵。

第二天出機場前是去度小月食出名的肉燥飯。

A貨吉X家牛肉丼

2011年1月15日

經常食吉X家牛肉丼, 其實材料好簡單, 家中又有味醂等醬料, 今日就自制A版吉X家牛肉丼。牛肉用打邊爐的肥牛, 加入洋蔥絲炒熟再加入日本醬油, 味醂, 日本料理酒, 水等將洋蔥煮至入味。完成後放在飯面上完成, 又係一度超簡單的懶人餐。跟吉X家牛肉丼只有5成相似, 因為用的牛肉比較大塊又厚, 洋蔥又不如吉X家般切得幼細, 不過味道有得拼。論成本: 一盒肥牛差不多$40加上洋蔥等可以做2大碗牛肉丼, 平均下來價錢是省不了, 不過用料十足飽足感較優勝, 。

2011年1月9日跑步日誌

2011年1月9日

今日2度挑戰10公里, 路線跟上次一樣, 今次小腿痛有出現, 但成因明顯係因為一開跑是一大段上斜路, 平日跑treadmill對上斜的練習不足, 小腿的肌肉負荷不了出現疼痛。今天雖然痛, 但仍可以堅持的跑下去, 不需要停下再拉筋, 又沒有步行。

天氣算是ok, 沒有上星期的藍天碧海, 天空濛濛的, 幸好沒有刮大風, 算是跑步的好天氣。

時間跟上一次一樣, 不過今天跑遠了一點點。速度方面仍要加以改善。