上海世博5天遊 - 第二天

2010年8月13日

第一站 - 西湖酒樓(Brunch)

第二站 - 多倫路

第三站 -1933老場坊

第四站 - 蘇浙匯

第五站 - 世博C區

第六站 - 返酒店

上海世博5天遊 - 第一天

2010年8月12日

12:20 航班由香港飛上海

第一站 - 酒店check-in, 今次住Holiday Inn Express Jinqiao, 滿新的一家酒店, 在巨峰站附近, 酒店傍有家樂福及KFC, 配套算OK。

第二站 - 小楊生煎

在南京東路步行街上上海第一食品店2樓的food court內, 味道仍是跟以往一樣, 皮薄, 一不小心肉汁就會飛濺而出, 隔鄰的人好易中招。圖中右手的一灘肉汁就是一個示範。
第三站 - 外灘

已數不清去過外灘多少次, 但外灘的夜景看多少次都不夠。今次去外灘有點失望, 因為實在人太多了, 用人山人海來形容最貼切, 加上在40度的桑拿天走在南京東路上有夠嗆的。
第四站 - 海底撈火鍋(打浦路一号金玉蘭廣場)
24小時營業人氣很旺的火鍋店, 食物ok, 不是特別的好吃, 在國內火鍋的競爭滿厲害, 只是它的增值服務很特別, 如果你是長頭髮又沒有紮起, 就會有服務員送上紮頭髮的橡筋給你, 如果你戴眼鏡的話, 服務員就給你一條眼鏡布，給你進食前後抹眼鏡之用, 這些均不收費。
比較特別的蟹黃蝦丸，將蝦肉釀入迷你螃蟹內。螃蟹雖然迷你, 但係仍有蟹黃及味道鮮美。

第五站 - 返酒店

Summer's Desire

之前是每星期一集集的追, 磨人啊! 知道在大陸出了DVD版, 忍不住買了全套來看先睹為快。之前說過此書是純言情小說, 看了沒有很大的感覺, 不過看完DVD全集, 雖然不是說沒有瑕疵(例如: 尹澄大隻纍纍的, 一點說服力也沒有), 但此劇確實是拍得相當之好, 書中人的感情我在劇中確實有感受得到。

第一要讚賞何潤東, 在此劇之前我完全不知道他是誰, 我只認識大S及黃曉明(申報: 我不是3人的fan), 但何潤東演歐辰真的入木三分, 由中段起(即歐辰完全恢復記憶后開始) 歐辰的氣之強已完全蓋過了洛熙, 兩個男主角同場我的眼睛會注意歐辰多一些, 只有洛熙時會有想快轉的衝動。除了角色討好之外, 何潤東的演出很到位, 何潤東的五官沒有黃曉明細緻, 所以他不可能是洛熙(網上一直有爭論角色的分配問題), 但他確有表現出歐辰的貴氣、沉著的氣質及深情。後來當我知道何潤東同時是此劇製片時, 對他更加欣賞, 同時要兼顧演員跟製片兩個責任很不容易, 應該加分。

大S的演技沒有問題, 尤其我偏愛嬌小的女演員 (這讓我想起翁美玲), 嬌小的女演員跟高大的男角站在一起時, 畫面特別好看, 看一看RBS party一幕, 大S跟何潤東站在一起, 對比黃曉明(洛熙)跟林嘉綺(沈薔)站在一起就知道, 骨架纖細嬌小的女演員總是讓畫面看起來順眼得多。

第二值得讚揚的是忠於原著, 很怕看一些掛著原著頭銜卻改到七零八落的劇集, 當看到歐辰跟尹澄的瓜葛時很擔心編劇會不會來個大改, 改動傍枝末節令劇情更緊湊我可以接受, 但男女主人翁的主線不可以改, 尤其是關乎男女主人翁個性的劇碼更加不能加多減少, 如不便殺掉原著的味道。幸好此劇的編劇跟導演都很好, 沒有太過畫蛇添足或要彰顯自已的個性, 全劇基本上忠於原著。

第三值得讚揚是劇中的歌曲, 主角3人各有一支曲, 主題曲是為歐辰度身訂做, 所以當出現歐辰的片段時配上主題曲, 聽聽歌詞整個人就投入了劇中。而黃曉明的歌喉真的不敢恭维(之前在暗香中他唱王菲的我願意, 我就覺得唱得很難聽), 冇人是十全十美的黃先生還是專注演戲好了。反而大S跟何潤東的歌就很悅耳。

評分: ★★★★

第一次落草地

2010年7月1日

由1月23日第一次去City Golf Club打driving range, 到今日第一次係Nine Eagle落場, 心情當然興奮又緊張。本來是預訂了6月27日(星期日)上午9:00, 不過26日星期六落大雨, 如果星期日又係下雨天又係新手第一次落場又係4個女生, 教練都幾大鑊, 最後教練都唔敢搏取消落場。急急再訂場, 就訂了今天下午1:00開波。今日跟星期日的天氣相比差天共地, 今天係萬里無雲, 酷熱... 可以想像由1:00開始打9洞, 打到4:00才完結, 情況有幾精彩。

球場表現

不知道是否因為時間問題, 今日居然冇人跟在我們後面打球, 我們打9個洞, 足足玩咗3粒鐘。

咪以為打咁耐一定打完9個洞, 其實我們冇真正打完9個洞, 因為係第一次, 第一至第八個洞教練冇俾我地打番自己個波, 只係4人輪流打, 教練要我們係4個波中落點最佳一球既位置, 讓我們4人係嗰個位置繼續下去, 所以每個洞都是我們4人合力完成。

而第6 & 第7 個洞, 因為有water hazard, 教練俾我地試一次打球全部落水的滋味後, 直接叫我地上果嶺上練推捍。

直到第9個洞, 我們4人可以自己打番自己個波, 真真正正由自己完成一個洞。

今天的成績

我們4人合力打了個bogey, 個人表現: 3次係果嶺上一putt入洞, , 其餘就打得好差, 完全發揮不到打driving range時的水準, 但今日主要都係去感受一下打草地嘅感覺, 都冇諗會打得好好。

落完第一場，依家打driving range 會知道要改善乜野, 以前只關心個波打得有幾遠, 唔係點在意打得直唔直, 今日我打的球全部都犯了偏右的老毛病, 又冇係企位上就番, 所以成日都打咗去fairway邊, 激死人.....

落完場既後遺症:

(1) 好想快啲有下一次;
(2) 隊友2名后頸曬傷;
(3) 4人均穿短褲, 全部小腿背部曬傷; 及
(4) 我有輕微中暑, 返屋企要不停飲凍水, 又用退熱貼貼咗一晚先冇事。

爛瞓豬淇淇

好攪笑...

首爾 Sea La La汗蒸幕 / 芳香草園 / 悠閒購物4天遊 - Day 4

2010年6月15日

最後一天, 亦係行程中最無聊的一天, 因為大半的行程是去指定商店購物。

第一站 - 韓式自助早餐 : 係4天內最難食既一餐

第二站 - 高麗人蔘店

第三站 - Tony Moly 化妝品店
今期代言人是金賢重。

第四站 - 冬蟲夏草& 護肝寶

第五站 - 明洞

前2天已經在其他地方買了不少東西, 最後來明洞已經冇乜野想買, 逛了一小段就走人。

第六站 - 午餐 - 海鮮餐 + 韓式烤肉自助餐

美其名叫海鮮餐 - 只不過是提供魷魚, 墨魚, 多春魚, 中蝦跟花螺給燒烤。不過味道OK又食得飽。

第七站 - 土產店-買紫菜 & 泡菜

臨走前去便利店買了2包紙包裝的真露&香蕉奶, 帶回港跟家人分享。在Lotte Supermarket買的五味子茶, 酸酸地幾好味, 而且超便宜, 4,280韓圜有2大盒, 每盒20小包。

第八站 - 仁川機場

又nice又helpful又靚女的領隊Rebekka (左)& 導遊Carrie(中)。

此麵包連鎖店的cheese cake好吃, 另berry pudding好滑溜, 而且機場禁區內的價錢跟外面一樣。此店是在禁區內歇腳的好地方。

第九站 - CX419 飛機餐勁難食, 好咸。

首爾 Sea La La汗蒸幕 / 芳香草園 / 悠閒購物4天遊 - Day 3

2010年6月14日

第一站 - 早餐同昨天一樣

第二站 - 去香草花園DIY薰衣草番梘

我親手做的音符番梘, 要風乾一星期才可以用。 第三站 - 清潭洞在檢察官公主內, 女一有一個很漂亮的手機掛飾, 在網上一直找不到是哪家店的出品, 我拎埋照片問導遊都係冇idea, 去完10 Croso Como轉一圈(冇乜野睇既商店), 到對面The Galleries搵restroom既時候, 俾我經過Tippy & Mattew個櫃檯, 又比我瞥到呢個手機掛飾, 雖然價錢巨貴, 不過呢個係難得既因緣, 掙扎30秒後都係乖乖的掏腰包將它買下。

第四站 - 午餐 韓式火鍋+石頭飯 --> 好好味又飽肚

第五站 - Coex Mall & Seven Luck 賭場

Coex Mall 冇乜特別的店舖, 主要係連鎖店, 逛文具店時買了本可愛的本子, 我打算用來做我學琴的筆記本。

第六站 - 樂天世界

我跟D小姐打算回東大門shopping, 所以放棄了玩樂天世界, 只去了樂天supermarket跟duty free。在Lotte Duty Free買雪花秀比在機場內買便宜。

第七站 - 東大門

戰利品 - 給侄女買的童裝, 全部夾埋都係144,700韓圜, 全部Made in Korea好抵買。

給自己買的T-shirt 5,000韓圜一件, 勁抵買。Evisu牛仔褲128,000韓圜, 價錢ok。

第八站 - 東大門晚餐

忘記了菜名, 不過勁似係長春省食的粉條紅燒雞, 味道ok, 另外紅卜卜的是炒年糕, 不太辣。

首爾 Sea La La汗蒸幕 / 芳香草園 / 悠閒購物4天遊 - Day 2

2010年6月13日



第一站 - 中式早餐
第二站 - 青瓦台
第三站 - 仁寺洞在仁寺洞Ssamziegil內影貼紙相。




第四站 - 梨泰園
買公仔襪1,000韓圜一對, 買10送一, 大小同價。另外梨泰園的Evisu店, 店員識講廣東話, 唔洗雞同鴨講指手畫腳。

第五站 - 午餐 -韓式烤豬肉 yummy第六站 - 南山公園第七站 - 光化門廣場

世宗大王像 - 就是他令全韓國棄用中文而全改用韓文, 真係多得佢唔少。

第八站 - 新村/梨大

仲記不記得, 我的野蠻女友內, 全智賢走出學校的一段, 就是在梨大實景拍攝。梨大出來的一段新村, 是shopping的好地方, 又平又正。仲有一家Kosney (類似香港的Log-on), 好好行, 啲野一啲都唔貴。狂掃飾品同化妝品, 超平宜, 化妝品又多sample送。

Macos Adamas - "檢察官公主"劇中, 女一送給男一的手鏈就在這家買(就是左手邊的一條), 此劇的poster仍掛在店外。

第九站 - 春川雞做晚餐

首爾 Sea La La汗蒸幕 / 芳香草園 / 悠閒購物4天遊 - Day 1

2010年6月12日

由香港出發往首爾00:40; 由首爾回到香港22:45 零晨機去,晚機返真正玩足4天。食足咁多餐, 而且餐餐食得飽。行程安排ok, 跟團少不免梗有一啲無聊的行程同埋要去指定店舖買野, 不過今次既安排可以接受。

第一站 - 烏冬做早餐
第二站 - 海鷗船 - 此地的海鷗超喜歡食卡樂B
第三站 - Sea La La汗蒸幕, 晨早5:00落機, 食完早餐搭完海鷗船, 先至8點幾, shopping又冇咁早, 最好就係俾我地瞓番陣, 唔係仲有成日咁長好難捱。
浸完溫泉, 花費了17,000韓圜俾阿豬媽幫我搓背後, 皮膚滑溜到不行, 成個人輕盈咗 。去汗蒸幕當然要食溫泉蛋。呢間汗蒸幕夠大, 地方乾淨, 最重要係我地一早到, 因為今日係星期六到11點幾開始多人, 幸好我們趁多人前攪掂走人。第4站 - 午餐是高麗人蔘雞, 評語: 冇乜味 第5站 - 東大門
去到東大門開始落雨, 氣溫降到20度, 聽導遊介紹先去Hello APM掃貨。

第6站 - 返酒店check-in
房間ok, 比co-op residence闊落許多, 合格, 唯一不好的是燈光太暗, 同行的D小姐一直抱怨。

第7站 - 搵地方食晚餐
星期六的寫字樓區冷冷清清, 很多食店沒有營業, 找到一家食炸醬面的小店, 炸醬面盛惠4,500韓圜, 炸餃子4,000韓圜, 咁既價錢, 冇乜可以要求, 但求醫肚。
第8站 - 便利店

買了香蕉奶,薯片準備今晚在酒店睇世界杯南韓對希臘。
香蕉奶 - 係我今次來首爾的目標之一, 因為之前睇咗"檢察官公主", 對裡面既事物記憶尤新, 香蕉奶是劇中男一女一第一次見面的重要道具, 今次來梗係要買番一支來懷念一下。

第9站 - 漢江海濱公園

汝涘島酒店位於商業區, 今日星期六市面冷清, 酒店離漢江很近, 近酒店的一段漢江海濱公園, 今晚搭建大型屏幕播世界杯南韓對希臘, 韓國人對今晚既比賽, 是100%的重視同緊張, 幾乎全部人都穿上紅色T-shirt, 站在屏幕前為南韓隊打氣, 氣氛勁熱鬧。因為下雨, 沒有一直逗留在公園, 但係回到酒店房間仍可聽到公園內人群既歡呼聲, 尤其南韓入了第一球時歡呼聲振天, 又放煙花, 能感受韓國人對自己國家隊的支持氣氛, 是今日額外的得著。