縱橫四海

2010年6月18日星期五

首爾 Sea La La汗蒸幕 / 芳香草園 / 悠閒購物4天遊 - Day 2

2010年6月13日

第一站 - 中式早餐

第二站 - 青瓦台

第三站 - 仁寺洞

在仁寺洞Ssamziegil內影貼紙相。

第四站 - 梨泰園

買公仔襪1,000韓圜一對, 買10送一, 大小同價。另外梨泰園的Evisu店, 店員識講廣東話, 唔洗雞同鴨講指手畫腳。

第五站 - 午餐 -韓式烤豬肉 yummy

第六站 - 南山公園

第七站 - 光化門廣場

世宗大王像 - 就是他令全韓國棄用中文而全改用韓文, 真係多得佢唔少。

第八站 - 新村/梨大

仲記不記得, 我的野蠻女友內, 全智賢走出學校的一段, 就是在梨大實景拍攝。梨大出來的一段新村, 是shopping的好地方, 又平又正。仲有一家Kosney (類似香港的Log-on), 好好行, 啲野一啲都唔貴。狂掃飾品同化妝品, 超平宜, 化妝品又多sample送。

Macos Adamas - "檢察官公主"劇中, 女一送給男一的手鏈就在這家買(就是左手邊的一條), 此劇的poster仍掛在店外。

第九站 - 春川雞做晚餐

2010年6月17日星期四

首爾 Sea La La汗蒸幕 / 芳香草園 / 悠閒購物4天遊 - Day 1

2010年6月12日

由香港出發往首爾00:40; 由首爾回到香港22:45 零晨機去,晚機返真正玩足4天。食足咁多餐, 而且餐餐食得飽。行程安排ok, 跟團少不免梗有一啲無聊的行程同埋要去指定店舖買野, 不過今次既安排可以接受。

第一站 - 烏冬做早餐

第二站 - 海鷗船 - 此地的海鷗超喜歡食卡樂B

第三站 - Sea La La汗蒸幕, 晨早5:00落機, 食完早餐搭完海鷗船, 先至8點幾, shopping又冇咁早, 最好就係俾我地瞓番陣, 唔係仲有成日咁長好難捱。

浸完溫泉, 花費了17,000韓圜俾阿豬媽幫我搓背後, 皮膚滑溜到不行, 成個人輕盈咗。去汗蒸幕當然要食溫泉蛋。呢間汗蒸幕夠大, 地方乾淨, 最重要係我地一早到, 因為今日係星期六到11點幾開始多人, 幸好我們趁多人前攪掂走人。

第4站 - 午餐是高麗人蔘雞, 評語: 冇乜味

第5站 - 東大門
去到東大門開始落雨, 氣溫降到20度, 聽導遊介紹先去Hello APM掃貨。

第6站 - 返酒店check-in
房間ok, 比co-op residence闊落許多, 合格, 唯一不好的是燈光太暗, 同行的D小姐一直抱怨。

第7站 - 搵地方食晚餐
星期六的寫字樓區冷冷清清, 很多食店沒有營業, 找到一家食炸醬面的小店, 炸醬面盛惠4,500韓圜, 炸餃子4,000韓圜, 咁既價錢, 冇乜可以要求, 但求醫肚。

第8站 - 便利店

買了香蕉奶,薯片準備今晚在酒店睇世界杯南韓對希臘。

香蕉奶 - 係我今次來首爾的目標之一, 因為之前睇咗"檢察官公主", 對裡面既事物記憶尤新, 香蕉奶是劇中男一女一第一次見面的重要道具, 今次來梗係要買番一支來懷念一下。

第9站 - 漢江海濱公園

汝涘島酒店位於商業區, 今日星期六市面冷清, 酒店離漢江很近, 近酒店的一段漢江海濱公園, 今晚搭建大型屏幕播世界杯南韓對希臘, 韓國人對今晚既比賽, 是100%的重視同緊張, 幾乎全部人都穿上紅色T-shirt, 站在屏幕前為南韓隊打氣, 氣氛勁熱鬧。因為下雨, 沒有一直逗留在公園, 但係回到酒店房間仍可聽到公園內人群既歡呼聲, 尤其南韓入了第一球時歡呼聲振天, 又放煙花, 能感受韓國人對自己國家隊的支持氣氛, 是今日額外的得著。

2010年6月12日星期六

鑽石

2010年6月12日

明曉溪的泡沫之夏小說, 改成劇集在5月29日開始播放, 之前完全不知道明曉溪是何許人。趁放假追看了一套3本的泡沫之夏, OK啦, 純言情小說, 可惜的是我已經過了看言情小就的年紀, 沒有很大的感動, 不過劇中的插曲很好聽, 尤其是這一首在小說內由明曉溪自已寫歌詞的歌, 范曉萱譜上曲調, 由女主角大S唱出, 唔聽唔知道原來大S唱歌好得。

如果哭著請求
如果我跪地哀求
你啊能不能為我而留
我知道你愛她
就像鑽石般愛她
就算她不愛你
你還是傻傻愛著她
人人都愛她
人人都愛她
她是完美璀璨鑽石
她高貴她美麗
我是卑微隨風而走的砂
我低賤漂泊
她是完美璀璨鑽石
她純潔她無瑕
我是卑微隨風而走的砂
我世故我複雜
她是無價的鑽石啊
我是不值錢的砂
她是鑽石我是砂

2010年1月17日星期日

Nexus One vs iPhone

2010年1月17日

我用了2G iPhone2年, 用了Nexus One 2天,初步比拼先說Nexus One不足之處

(1) touch screen唔係咁sensitive, 要大力啲按落去感到有回震才是按中, 比iphone差。
(2) 冇中文輸入法, 要加個叫lime既app才有中文keyboard, 冇手寫板。
(3) 個headphone插入去後,後面有虛位, 個咬口做得唔靚。
(4) default有4個pages, 不過唔可以整個page移動, 如果我defined page2係games, page3係小工具, 咁如果page2載滿, 咁我要將page 3既icon逐個搬去page4, 才可再騰空一頁繼續加games, 似乎好煩。
(5) youtube冇"history"個function。
(6) ipod真係好用啲; iphone內podcast同video係ipod既function。Nexus One內music只係聽歌, video同podcast要另外用app。而且聽podcast時,不可用其他function。Music冇得顯示歌詞。
(7) iphone用2隻手指一掃就可擴大顯示, Nexus One 冇呢個function, 要先點擊空白處, 等放大鏡出來後再點擊放大鏡。
(8) 時鐘function: iphone的時鐘function包括鬧鐘,國際時間,秒錶,定時計, 而Nexus One的時鐘只有鬧鐘function,其餘要加app。
(9) Nexus One的天氣只可以顯示身處地的天氣, 冇得加選其他地方的天氣, 要另加app, 對於像我偶爾出trip既人,冇咁方便。
(10) iphone stock 可以睇股價, 指數同外幣匯率, Nexus One冇呢個function要加app。我仲未搵到一個app可以睇到恒生指數.............
(11) iphone既mail function可以睇gmail跟yahoo的mails, 不過到依家我仲未set到yahoo既mailbox, 好沮喪。

In conclusion, iphone內每個icon既function較全面, 而Nexus One的app就較簡陋,而自己加好多app。

好處:
(1) 可以換卡iPhone 只有16G跟32G的容量; 而Nexus One可換卡, 跟機係scandisk4G, 可以換張32G卡。
(2) 可以換電, iPhone要拎番原廠換電, Nexus One簡單得多, 可換電, 不過幾耗電, 我估用得密既話,一舊電應該頂唔到一日,要帶多舊後備電池。
(3) 個語音function係iphone冇既, 試用後算OK。
(4) 快, 對比2G iphone, 3G既Nexus One係速度方面冇得揮, 不過given佢既spec,速度應該不會被比下去。
(5) Nexus One可以直接用歌曲做鈴聲, iphone就要用app才可以。
(6) 價錢: 以淨機價計, Nexus One比較便宜(香港的到岸價係US$577.31)

又見高球

2010年1月17日

多年前曾經係屯門高爾夫球中心學打高爾夫球, 機緣巧合舊同事邀約一起學高球,讓我重拾放低了多年的運動。之前冇繼續打,一是因為冇partner一起打,自己一個實在太悶, 二是當時不懂門路落場, 所以知道就算識打都未必落到場, 三是當時打driving range打得麻麻地, 對golf未建立到興趣。

我們一組4人, 聘用一個教練, 第一課打落又手風幾順, 雖然多年冇打, 對點樣打仍然有點感覺是我自己亦意料不到, 同埋今日打到個球時, 給了我很大的滿足感, 係以前冇的, 時間大神令人改變, 由以前的普普通通變為覺得可以喜歡上, 不過這感覺是不是真的, 要學多幾堂先知道。