台北宜蘭四天 - 第一天

2013年9月15日

超過半年冇去旅行，好耐冇寫travelogue，不過9月暑假結束亦是我旅遊的季度開始。今次跟一個半自由行的團，有朋友計過度過，話呢個團好抵玩強力推薦。

搭早機去台灣，CX只係俾個包同一小杯蘋果汁，勁慳皮。

 到台北先來個early lunch＠伍角船板餐廳，建築物比較有特色，膳食則一般。

之後入宜蘭，車程一個小時，到宜蘭第一個行程亦係今天的唯一行程，就是去"橘之鄉"整橘子茶。呢個節目ok好玩。

3點多到達全個行程的重點"礁溪老爺大酒店"，宜蘭最出名的溫泉酒店。

非常滿意這一家酒店，冇big6客，整間酒店用上日式溫泉酒店的管理方式，細心貼心。

此酒店有幾個特點：
- 酒店不同時段有不同免費節目給住客，例如：瑜伽課、小吃料理、小朋友手工藝、行山、小型絲竹音樂會等。
- 客房雪櫃內所有小吃汽水，全部免費。
- 康樂室有乒乓球、桌球、健身室、wii、xbox全部免費。
- 房間有浴池可以在房內浸溫泉，另外有室內及室外風呂。
- 泳池區除有泳池外有室外戲水池、溫泉按摩池、溫泉按摩缸、溫泉魚魚池，(呢幾個設施適合一家大細玩)。
- 所有室內香薰、潔膚及護膚品用上Thann，好有spa feel。
- 全酒店連客房有免費wifi，對手機不離手的港人而言，呢個好重要。

星期日入住人數不算多，室外露天風呂環境非常舒服，跟足日式格局。飯前跟睡前浸溫泉，非常享受。http://www.hrjhotel.com.tw，浸完除了皮膚滑滑外，手踭跟膝蓋的濕疹明顯有改善，happy。

晚餐在酒店內吃自助餐，好ok。

呢個團朋友說很抵玩在於單是此酒店一泊兩食(早晚餐)已經不便宜，再加上台北2晚5星級酒店連酒店早餐再加上機票交通費，自由行絕對做不出此價錢，所以跟團比較抵。