【敗物誌】Olebox Karaoke

2013年4月23日

上次跟死黨們在長隆酒店的遊戲室內玩karaoke機，大家唱得不亦樂乎且意猶未盡，大家鼓吹我買番部karaoke在家，大家就可再展歌喉。係淘寶搜索過價錢太貴而放棄。

朋友報料在雜誌發現了這部，一拍即合，馬上付款等收貨。

正所謂一闊三大，對於一個冇任何音響設備的家居來說，要添置的何止一件。

跟機有一支有線咪，唱K一支咪當然不足夠，又馬上去淘寶淘一對國內知名品牌的無線咪。

Soundbar 

好開心，其實當初裝修刻意擴大客廳位置，就是想有個可以招呼朋友的地方，上次朋友送了麻雀及麻雀枱，今次再準備埋karaoke，我理想中可以讓朋友歡聚的地方算是成了型，好滿意。

不過呢個k box最大的問題不在技術上，而係歌曲庫的供應商，歌曲庫係由英皇娛樂提供，即係只有英皇以前跟現在的歌會出現在音樂庫內，喜歡的四大天王（張學友、劉德華、黎明、郭富城）、鄭秀文、楊千嬅、王菲、林憶蓮等等，凡不是英皇的歌手都冇得唱，呢個係最致命的問題。如果不是英皇而是由neway等karaoke店提供歌曲庫或許會冇呢個問題。

3家啦ok的網頁上號稱有近千首歌可以唱，但到今天仍未有具體的歌曲名單，似乎有些不盡不實。所以說不是platform的問題，係content的問題，如果3HK真係想用呢個service賺大錢，就要解決content問題，喜歡唱k的買家如果只可以唱某些歌手的歌，被合約綁一年可以，不過下一年不一定會繼續付費。買了後看清啲content有中伏的感覺。