新玩具 (2)

2011年7月13日
上次去越南,買了當地出名的Lengendee咖啡粉, 同越南咖啡滴漏壺。用越南咖啡滴漏壺沖泡咖啡,就類似用濾紙沖美式咖啡, 飲了2個星期開始想攪攪新意思。上網search一些咖啡知識,再四處去睇咖啡機,最後係淘寶淘了一件意式半自動咖啡機, 部機是德國牌子但係中國OEM, 因此用料符合歐洲的安全標準,比一般國產機強多了, 而且壓力達15bar, 要萃取出crema應該冇難度, 最重要係機價只係388蚊人仔,呢件玩具好超值。
因為係出口貨, 有英文說明書, 廠商又另加一本中文就明書, 按圖索駿話咁快就上手。 不過咖啡同紅酒一樣係一門博大精深的學問, 沖一杯咖啡不難, 但要沖一杯上好的咖啡就好難。尤其見到漂亮的latte art,不過自己已經點著太多火頭,實在騰不出時間再學新事物。多年前在法國飲過一杯espresso,過後心跳快得驚人,以後一直對espresso避之則吉。最近看了一些書後, 才糾正了多年對espresso = 咖啡因含量特高的誤解。(1) 咖啡因會隨烘焙時間的延長而流失。(2)用意式咖啡機萃取espresso, 因為萃取的時間短, 咖啡因未被釋放就萃取完畢。因此用經過深度烘焙的咖啡豆,再用上意式咖啡機, 出來的espresso其咖啡因含量已經大大減低。
不過仍然喜歡capuccino多於espresso。現在每天早晨以30cc espresso加上100cc奶+奶泡泡製的cappuccino成為忙碌一天的開始。