今日中午係中環有商務會議, 開完會客人請我們去"香港銀行家會所"食晏, 香港銀行家會所既入口係Landmark 43樓, 入門之後中菜要再上一層即45樓, 話明係bankers club當然係走好subtle既英式室內裝潢風格。
我們的飯枱設係最角落, 兩邊係落地窗, 我又坐下家位, 對著整個半山, 景色當然very nice啦 。整頓午餐六菜加一湯麵, 味道不過不失, 最後的甜點我揀了楊枝甘露, 就係呢個甜品出事, 唔知係咪廚師忘記加椰奶同芒果, 楊枝甘露淨係得橙汁色既液體再加稀疏既柚子同西米, 係我食過既楊枝甘露中最差的一次。
係中環黃金地段, 環境一啲都唔嘈雜, 服務又算做周到, 又食得你飽既中菜, 本來預計呢餐唔會便宜, 埋單居然只係平均每位約200元左右, 呢個價錢算係好ok喇, 應該話呢間係正路既會所, 唔係一啲掛會所名義但係完全係以謀利為目的生意。
沒有留言:
發佈留言