縱橫四海

2009年10月23日星期五

長野上高地北陸立山黑部溫泉5天遊 Day 2 (中)

2009年10月23日

下一個行程就是去wasabi農場, 食wasabi雪糕, 再去它傍邊的水車屋拍照, 沿著河堤的三間水車屋, 就是黑澤明當年拍“夢”的一個景點, 這些水車現時仍在使用, 入秋以後5點鐘就開始天黑, 所以拍的照片都偏暗。

wasabi雪糕只有淡淡的wasabi味, 可以一試。昨天路上沒有賣軟雪糕, 唯有以布丁頂替, 之後我每天都吃一個雪糕, 去旅行就是要放鬆跟享受, 不是嗎? 什麼過胖, 控制體重, 先靠邊站吧!

長野上高地北陸立山黑部溫泉5天遊 Day 2 (上)

2009年10月23日

大正池

第2天早上跟下午的行程是遊上高地，早上7:30出發過了差不多3.5小時才到達大正池, 然後由大正池沿著河岸一直走到河童橋, 整段路不到3km, 簡單來說就是走自然教育徑。沿路看到的都是常綠植物, 沒有紅葉看當然有點失望, 但今天的天氣挺好的, 秋高氣爽算是出外郊遊的好時間。

大正池

河童橋

一路慢行一路拍照, 走到河童橋已過了食午飯的時間, 今餐要自費, 叫了一客最穩陣的吉列豬扒定食, 可能是已經餓到不成, 覺得豬扒定食好好味, 而且份量又足。

2009年10月22日星期四

長野上高地北陸立山黑部溫泉5天遊 Day 1 (下)

2009年10月22日

進入正題, 22日早上9:10出發飛往名古屋, 中途停站台北1小時, 下午約4時到達名古屋, 後直接坐旅遊巴到岐阜縣的酒店晚飯和休息, 本來今晚係住溫泉旅館, 不過最後被cut, 只安排入住一般的5星酒店。

報時: 離開名古屋機場時已經是下午4點幾。

酒店大堂

第一晚的酒店叫“都Miyako”, 標準的西式酒店, 乾淨, 有舒適的大床。

太甜的甜點

晚餐食自助餐, 味道ok, 但附近冇街逛, 最近的一家便利店走路去要15分鐘。

酒店的甜品太甜, 惟有食便利店買的焦糖布丁補償。

2009年10月22日

今次個團名叫“長野上高地北陸立山黑部溫泉大自然5天遊”

個團名有啲混亂, 長野係一個縣, 上高地係一個地方名, 在長野縣內。日本本州共分7個地區, 北陸地區是其一。北陸地區主要由福井、石川和富山三個縣組成。在北陸地區我們主要是遊在石川縣內的“兼六園” 。另外,有一個景點就是位於岐阜縣的“白川鄉”。而長野縣、岐阜縣和愛知縣再加上靜岡縣﹑三重縣組成本州的另一個叫近畿的地區。

而“立山”“黑部”係兩處地方, 我們是由長野縣既扇沢町(車站名)出發用6種交通工具由黑部一路遊至立山, 最後以富山縣的立山町為終點站。

整個行程橫越了本州北陸和近畿地區內的5個縣包括: 石川縣, 岐阜縣, 富山縣, 長野縣及愛知縣(名古屋位於愛知縣內) 。

所以說團名有點混亂就是它將日本的地區名﹑縣名及地方名混合在一起。

而stay behind的行程, 我們就去了兵庫縣的神戶市, 大阪府和奈良縣的奈良市。兵庫縣和奈良縣屬本州的關西地區。

唔想自已去完旅行都講唔清究竟去過邊處, 雖然煩瑣, 但點都要攪清楚。

長野上高地北陸立山黑部溫泉5天遊 Day 1 (上)

2009年10月22日

自投入新的工作, 不經不覺已經有一年半, 期間沒有放大假, 趁有朋友想跟團去旅行, 但係三缺一, 我正好趁機hea一hea, 今次係跟縱橫遊。

今次旅行一波三節, 本來係想去東歐, 不過臨時有一人拎唔到2個星期的假期, 唯有改地點去日本。
報團時明明係有2晚溫泉酒店, 去交尾數時又被旅行社cut到得番一晚, 雖然旅行社話我們可以改出發日期, 但因為我們會stay behind並已經改好機票, 變相即係冇得改, 焗住都係要跟番呢個團。

報團時行程寫明第4天中午有鐡板燒午餐, 去到日本領隊才告訴全團既人, 原來第4天係安排唔到鐡板燒午餐, 因為路經既地方主要係鄉郊, 要返到名古屋即第5天下午才安排食鐡板燒午餐。我們第5天清早就離開名古屋到大阪, 即係又焗住要放棄鐡板燒午餐, 跟領隊理論一輪後, 旅行社只係每人補番1,000円作補償。這個問題重點係擺明第4日安排唔到鐡板燒午餐, 咁點解仲要寫係行程上面?

團費海鮮價 – 10月係去日本睇紅葉既旺季, 立山黑部又係香港遊行社近2-3年新開既旅遊點。加上有重陽節假期, 銷情當然不會差, 旅行社就係睇住銷情2、3天就加一次價, 冇睇錯係2-3天就加一次, 我朋友第一次報價係HK$6,799, 過2天再問價已經去到HK$7,299, 旅行社仲冇commit呢嗰團費會維持幾多天, 最後我們唯有趕緊去報名, 以免又再加價。聽講最後嗰團費係去到HK$8,199, 相當嚇人。

忠告各位如果去旅行想跟縱橫遊, 就要小心以上既問題。

待續