濟州島、首爾五天遊 - 購物篇

2012年9月6日

上兩次去韓國都冇機會逛大型超市，今次在濟洲島大超市E-mart就在酒店附近，而且聽導遊說濟洲島的物價比首爾便宜，就係咁係行程的第二日我的行李就由一箱變兩箱。

一年一度買衫俾侄女，大多數鞋(尤其是波鞋)都係Made in China難得買到Made in Korea的Hello Kitty鞋，不過好多都斷碼，想買多一對都冇。

Made in Korea的garment product質地相當好，又唔會好貴，所以每年都會掃一堆俾侄女。

另外值得買的就係食物，化妝品往年已經買得太多，今次只需補小小貨。

喜歡上托米，韓國米質量跟日本米差不多，幾辛苦都托番包2kg的返香港嘆，再來就係麵粉，整麵包後什麼麵粉都想試，今次當然唔會放過韓國麵粉。

去年買了韓式筷子、湯匙＆飯碗，今年買無可買，連煮辛辣麵的煲，石鍋都不放過，再加上Lock&Lock的玻璃食物盒。 

過去兩年去韓國沒有多買衣服鞋襪給自己，今年買了兩對鞋、兩件衫，算係最多收獲的一次。主要都係causal wear。

濟州島、首爾五天遊 - 第五天(最後一天)

2012年9月6日

早餐繼續係維持生命餐，之後又係做跟團的指定動作，到定點商店購物：護肝寶專賣店，紫菜專賣店＆土產手信店，尾二的行程是去仁寺洞逛街，仁寺洞以前已經去過，沒有什麼變化。

仁寺洞的地標：人人mall

 最後的行程是東大門，由東大門Doota眺望市中心，午餐自費，我們去了Doota foodmall，我點了人蔘雞鍋，人蔘雞鍋係韓國菜式中品質最有保證的一道菜，肯定不會太難食。逛完東大門後出發往機場

 機場內吃在韓國的最後一餐，韓式烏冬

諗住第三年去韓國已經冇乜嘢買，只預留了半個吉喼，誰知又係一個箱去兩個箱返，下年都係要帶個大喼。

濟州島、首爾五天遊 - 第四天

2012年9月5日

早餐吃過維持生命餐。之後到泡菜體驗館親手整泡菜。

 泡菜材料

 完成品，完成品最後會送到當地學校、老人院或慈善機構，之後去了定點商店如UG BANG及人蔘專賣廳。

 午餐：烤豬肉，飯後另付旅遊車司機W7,000去了新村(梨花女子大學)逛街。

 新村之後是青瓦台，新村跟青瓦台之前已經去過，沒有什麼特別，之後到德壽宮看換班表演

昨天天氣預報說今天仍然有雨，實際上今天天氣好得出奇，跟昨天有天壤之別。

 仁顯最後一集的一個場景，亦係劇中幾個場景中我特別喜愛的其中一個。

 之後去睇有韓國第一show之稱的亂打show

個show都ok好睇，不過以技術性來說去年看的drawing show更精彩，drawing show表演者的畫功實在犀利。

 show後食晚餐，鐡板烤牛肉

飯後離團，去了逛東大門，逛完去食宵夜，去了韓劇常出現的帳篷路邊攤，點了韓國人常吃的辣年糕＆米腸＆天婦羅。最後去了清溪川，由東大門為起點直走到光化門終點。

濟州島、首爾五天遊 - 第三天

2012年9月4日

在濟洲島酒店用早餐，後在酒店外的長堤逛逛，然後出發到機場回首爾。早上在濟洲島天朗氣清，下午回到首爾卻滂沱大雨。由機場到明洞樂天買雪花秀，然後在明洞逛街，下著大雨在明洞逛街，進出店舖又濕又冷，一點都不享受購物樂趣。

逛完明洞去東大門食晚餐，晚餐是石頭飯＆豬肉鍋。

因為天氣實在太差，導遊取消晚上的東大門逛街，食完晚餐後直接回酒店。

濟州島、首爾五天遊 - 第二天

2012年9月3日

 早餐：鮑魚粥＆小菜

 城山日出峰

 All in拍攝場地

 燈塔

 “仁顯”中的餐廳，遠處為城山日出峰 

 午餐：豬肉鍋

 正房瀑布：因上個星期的颱風關係，部份路段損毀不能通行，只能在遠處晀望。

 徐福展示館，記錄了徐福曾到濟洲島的漢擎山採長生不老藥。

 將軍石：當年大長金的拍攝場地。

 柱狀節理石  

 Teddy Bear博物館 ，當年“宮“的一個拍攝場景

 “宮”的Bear Bear熊，代表男一李信王子＆女一申彩京的熊公仔，“宮”令此博物館聲名大噪。 

晚餐：海鮮鍋，另加W30,000加魚生，魚生一般，團體餐就算加錢加料都不能expect太多。

濟州島、首爾五天遊 - 第一天

2012年9月2日

一年一度的韓國之旅又來喇。今次重點係濟洲島，多年前去過，今次係舊地重遊。

 係香港機場打卡。

 一到仁川機場，第一時間去便利店睇下有冇新飲品出售，今年冇乜新野，揀番舊年飲過覺得好好味的黑豆豆漿W1,200。之後去Sealala汗蒸幕攤抖吓，跟往年一樣去汗蒸幕搵“阿豬媽”搓老泥。不過首爾的物價高了不少2010年係Sealala搓泥都只係收W17,000，2年後同樣地方同樣服務收費要W20,000。

 去完Sealala，去金浦機場飛濟洲島。

 到達濟洲島食旅行團的第一餐，鮑魚人蔘雞鍋，味道okay。

 餐廳外的景色，正到暈，天朗氣清，終於有離開香港去旅遊的感覺。

 第一個景點：龍頭岩，又係啲3分神似，7分想像的景點。

 曬墨魚，即時諗起紳士的品格的那只生曬魷魚。

在濟洲島上隨處可見的土地公，左右兩只土地公的手部位置不相同，較高的一只右手按著身體表示wealth，另一只左手按著身體表示health。

 參觀濟洲民俗自然博物館。

 神奇之路

 晚餐鐡板馬肉&韓風料理，個馬肉都幾嚡口，味道似牛肉。

 住宿2晚望海景的酒店

酒店對出的海景

【包餅工房】手搓 - 波蘿包(冇餡)、波蘿包(雞尾餡)、椰絲忌廉包

2012年9月1日

今晚零晨機飛韓國，上埋堂手搓包班，然後直接由課堂搭車去機場。

因為趕車要提早放學，所以拜託阿sir先完成我的包包，同學們都好幫手，配合我將所有程序都加速進行，原本落堂時間為9:45，我今晚9:05就完成所有包包踏出教室。

拎包包去機場作為上機前的宵夜。