牛下

4月27日

牛下 - 對這個地方唯一既印象係有一個姑媽曾經居住過牛下，之後搬了去樂華邨，而這一個姑媽亦已在多年前去世。自此我與牛下變得風馬牛毫不相干。

跟牛下拉上關係是因為: (1)我公司跟牛下只是隔條馬路; (2) 最近為方便上班而搬了家，我家跟牛下又係只隔條馬路; (3) 跟我現時一起工作的同事，有一部份是在牛下長大，長大成家後才搬離此區，他們對牛下的感情相當深刻，所以連續好幾個星期他們都在牛下攪飯局。通過他們令我對牛下多了點認識。就因以上原因，意外地令我有機會見證牛下最後的一段日子。

自從政府一次又一次的拆除舊建築物，激發許多香港人的懷舊情緒，牛下忽成了旺地，一到晚上和假日牛下出名的老店：興記、源發、輝煌、鳳凰冰室、何興記牛什等均人頭湧湧。托著一支支大鏡頭來影懷舊照片的拍友更是行3步見一個走5步見一群。我想有這麼多人的支持，牛下這最後一段日子可說是走得風風光光。

對牛下的老店，沒有很大的感覺，店面雖舊但店員一點也不舊，個個年輕力壯，不像一些貨真價實的老店, 企堂的全是5、60過外的叔父輩人物，硬件或許差不多但正是這些軟件令人的感覺不同。

無論如何,朋友們：如果想感受一下牛下最後的光輝，就要趕快把握時間！

鋼琴第4課

2009年3月23日

因為工作今天遲了到教室，只上了半堂的課。哎！我之前玩"Rayman Raving Rabbids"都知道自己對節奏既敏感度好低，依家先發覺數唔到拍子係冇辦法彈琴, 唔得呀我好想彈琴, 要諗下解救既方法，冇可能咁快就投降。

心情壞

2009年3月22日

天氣濕濕熱熱，悶悶的心情也跟著低氣壓走，偶爾還想起仔仔，不知道他過得可好．．．　

法式洋蔥湯

2009年3月18日

超喜歡洋蔥湯，簡單又好味，唔明白點解冇乜西餐廳用洋蔥湯做餐湯。今日既食譜又係抄自Miss Jubieshttp://hk.myblog.yahoo.com/miss-jubie/article?mid=7544的blog, 又易整又好味, 整好出來聞到陣陣香味自已都有點感動。再grill一件鋪滿herb既羊排, 唔洗半小時就有一頓美味晚餐來慰勞自己一天工作的辛勞，so good!!!

(圖片後補)

鋼琴第3課

2009年3月16日

今日練多3隻新歌: row row row the boat, red river valley同Clementine。呢幾首曲主要訓練數拍子, 依家勉強可以睇住五線譜彈歌仔,唔係靠c,d,e,f,g認位, 老師話一定要學識睇五線譜, 如果太依靠數字同字母以後彈更複雜既歌就會好困難,所以依家好努力咁認五線譜。

鋼琴第2課

2009年3月9日

冇估到進度係去得咁快, 我以為自己已經好勤力, 係今日上堂之前預先練定整整一版曲譜, 但係原來今日係要彈3版曲譜, 真係彈到手軟, 下次要練多幾版先去上堂,唔係真係好快會追唔上。

今日彈咗:
貝多芬 - 快樂頌既開頭一小段
Twinkle Twinkle Little Star
Aura Lee
Here we are
Old MacDonald
Yankee Doodle
Ten Little Indians

鋼琴第一課

2009年3月2日

識我既人都知道我係一個冇時停既人，終於安定係香港之後，又坐唔定要搵啲嘢攪，今年為自己訂了幾個目標，第一個目標就係開始學琴。7-8年前曾經係歐瑞強既音樂農莊學過彈流行曲，當時仲問舊同事Ella借咗個電子琴練習，不過當時係玩玩吓冇考慮到原來真係要投放好多時間去練習，未上完半個course就已經宣佈投降，浪費銀紙同時間。

今次捲土重來考慮咗好耐，知道如果要真正學懂彈必須要投放時間心機努力練習，如果大家有睇outliers這書，書中提及苦練是成功人士背後不可以缺少的重要元素，作者就在書中提出了一萬小時理論，指出沒有天材不是經過一萬小時的苦練才成器。是不是要苦練一萬小時練習才成器並不重要，重要的是作者點出"苦練"才是硬道理。今次的course為期3個月，答應了自己要好好的努力，如果努力了3個月發覺沒有能耐繼續下去，就真係會死咗條心。

為加強自己既決心就在此立字為據，3個月後再在這裡將結果揭盅。並且通告出文的速度因為練琴及其他攪作會變得更慢，不過會嘗試在這裡記下學琴的經歷。就如今天上第一課前不知道要剪掉指甲，未開始上堂就俾老師"指點""指點"，自己好似變番做幼稚園生，瘀爆。

Johnny's chocolate class @20090213

2009年2月13日

先整朱古力的外殼

因為見到舊同事Banita整啲朱古力鬼咁靚，又臨近St. Valentine's Day四周一片朱古力熱潮，係blog上面又睇到有一勁人開班教整朱古力，加加埋埋就推動我去參加呢個整朱古力的入門班-調溫。

上完呢一堂後正如有上過Johnny堂既blog友所說，理論與實踐並重，啲理論唔會好深而且教好多竅門，獲益良多。不過因為三、四月自己有大project所以都係按捺住買工具同材料既衝動，同埋上調溫班只係學識點樣整又薄又脆既朱古力外売，依家仲未識得整內餡，等學識埋整餡先再從長計議睇下點樣去開始玩朱古力。

再填入內餡

依家先放上係堂上整既朱古力相片，因為明天係情人節所以外売冇用黑朱古力只用54%cocoa而內餡則用甜到漏既焦糖。雖然這款朱古力對我來說是太甜，不過真係皮薄餡靚，自己都忍唔住食多咗幾粒。

Anyway, 祝大家情人節快樂。

成品

室內構圖

2009年2月13日

呢張就係我用網上免費軟件畫既室內擺設圖。因為買既時候已經係全新裝修, 所以除了換過啲鋁窗, 冷氣同熱水爐外, 唔需要再裝修, 而且間屋實在好細, 亦毋須要攪什麼設計, 只係因為屋細唔係咁易搵到合呎吋既傢俱，所以這幾個星期都要四圍行。

雖然花了不少時間同腳力，但係對我來說係一新種新既經驗，從不同的style中去了解自己既喜好，對自己係呢一方面既了解又加深了一步。下面呢張係完成後既構圖, 當中經過多次既修改, 許多的取捨, 由概念到實際執行, 又係一次好好既經驗 。

臘味煲仔飯

2009年2月1日

香港人至叻識飲識食, 飲食節目大行其道, 最近大紅大紫的非"蘇GOOD"莫屬, 聽了很多人說蘇施黃親自下廚教整的菜好好味, 不過我不懂煮飯所以只有看的份, 不過今日跟朋友gathering到目的地之前完全唔知道晚飯食乜野, 去到才知道朋友帶來一只大瓦煲打算整蘇施黃的"臘味煲仔飯",一向以為煲仔飯好複雜, 但原來真係好易整, 又話咁快就有得食, 而且味道一級棒, 又香噴噴, 我這個戒了吃米飯多時的人也破例吃了一大碗。

不過令我覺得特別好吃的其中一個重要原因就係誠意, 主人家沒有煮煲仔飯的材料及用具, 是其中一個朋友專誠拎過來, 身為大公司高層的主人家就忙出忙入負責煮飯及招呼, 我就坐享其成, o個種感動非筆墨可形容, 尤其是當你身邊絕大部份都係"無飯夫婦"的今天, 可以上朋友屋企食飯仲唔係食由工人煮既飯的機會真的很少很少, 所以這一頓很難得哦。