【敗家誌】JMC pumps

2011年6月28日

JEAN MICHEL CAZABAT

Metallic-tipped leather pumps

這雙鞋跟 Giuseppe Zanotti 漆皮圓頭4.5吋高跟一起買。GZ著得舒服係不容置疑，縱然雙GZ是4.5吋高而且鞋跟超幼，承托力卻非常好，在公司內小跑步都沒有問題。

GZ的品質一如所料，但這雙JMC卻帶給我驚喜，一雙可以讓五只腳趾舒舒服服自然的放平在鞋頭的尖頭鞋已經係一大功得，這雙更可以令腳趾伸展自如更是難得，價錢且是GZ的一半，完全無可挑剔，鞋跟位還貼心的鑲上銅片，如真的不小心踩中地窿都冇咁傷，4吋跟高度適中，平實的鞋款簡單易襯。這對鞋是今個夏天best buy之一。

新玩具 (1)

2011年6月20日

夏天要在香港練跑係一大挑戰。

好天氣的日子: 氣溫33度+, 大大的太陽, 如果加上空氣污染指數偏高, 跑街既辛苦指數係爆錶。開跑未夠20分鐘, 尚未warm up已經全身濕透。就算依家轉為逢星期六晚上9:00練長課, 每次跑完就好似跌落泳池剛爬上來咁。

可惡的壞天氣更是經常出現: 天氣唔穩定最好唔好去跑、大雨又唔跑得、雷暴警告更唔可以跑。

打風落雨天仍要維持繼續跑, 只有係室內跑treadmill。

所以我最新的玩具就是一座treadmill, 要係一間蚊型屋內放一部treadmill實在係一大難題, 慶幸飯廳冇飯枱, 亦慶幸可以搵到一部size細細, 而馬力卻可以去到16km/hr既treadmill。

正因為我間屋夠細, 客廳部電視只要旋轉30度, 我就可以係treadmill上一路跑一路睇電視。

(最新室內佈置圖)

上海公幹

2011年6月6日(端午節)

自去年世博後，今天再到上海公幹2天，提前一天到達讓自已可以逛逛上次想去但因為跟一大班人一起而無法去的地方。

中午到達，先去銀行辦事，在國內銀行差不多是 365天營業，一般的銀行業務在節假日仍可處理。去完銀行後已過了午飯時間，搵食係一個問題，最快捷是去南京路的foodmall食小楊生煎，每次食都係咁有滿足感。

之後去shopping，南昌路有幾家精品boutique有些design非常棒。

一直很記掛以前在上海工作時，辦公樓地下一層的『蘭桂坊』，他們地道的黃魚麵、炸排骨、蟮糊等很好味。

上海在快速的改變，就連地道的東西也逃不掉，跟阿娘麵一樣，質素下降似乎是必然，可能是思念令一切變得美好，一返回現實就感覺變了個樣，黃魚小了、雪裡紅小了、湯頭淡了、排骨薄了，一邊吃一邊暗自傷心嘆息。

【敗物誌】Valentino Lambskin Flower Tote

2011年6月6日

呢個花花袋第一眼見到已經非常非常喜歡，不過價錢貴到冇朋友又不是什麼長興款，所以一直都係處於欣賞。點解咁鍾意：法國的浪漫＆工藝的結晶，全個均為羊皮，設計師和工匠很厲害的將軟熟的皮革化為朵朵鮮花，而且用色好漂亮全用春天的pastel色，細部做得非常仔細，它貴是有道理的。

今日飛上海，上機前逛逛客運大樓內的名店，經過Valentino的店當然要探望一下我鍾意的花花袋，不看還好一看有隻大大的牌子標上30% off放在袋的前面，SA說今天是第一天開始減價而且這花花袋只剩一只，心裡面開始拔河：今天買此袋要帶去上海再帶回香港挺麻煩！可不可以回到香港再買？雖說減價但價錢仍是滿貴哦！米色靚就靚不過肯定不可以粗用！返到香港有冇時間跑去買？拉扯一輪未有結論，離開店舖在附近轉一圈冷靜冷靜之後，最後還是乖乖掏出信用卡讓店員刷刷兩聲解決。

呢個袋屬於欣賞收藏類，而且米色易弄髒，絕對不宜粗用。但在春天郊遊用會非常適合，有著華麗麗的春日氣息。