自家脆皮燒肉

2011年10月31日

呢排開始花多了時間心機在煮食上，睇番以前剪存的食譜，又胆粗粗想試新菜。先試簡單的菜式：脆皮燒肉，原來燒肉唔係好難整，網上流傳一個簡易的脆皮燒肉食譜，方法真的很簡單，星期日一早去超市買豬肉，平常放工去超市是買不到大块的五花腩。

材料：一斤五花腩，粗鹽

做法：(1) 洗乾淨五花腩，抹乾水份；(2) 拍少許鹽在肉的部份，然後用鍚紙包圍整块肉只露出豬皮部份；(3)豬皮舖上厚厚的一層粗鹽; (4) 直接放入雪櫃雪過夜; (5) 從雪櫃取出，清掉所有的鹽，重新用鍚紙包圍整块肉仍然是只露出豬皮部份；(6) 焗爐預熱220ºC，放入五花腩焗一小時。

烤出來很像樣，而且豬皮真的很脆........

不過下次唔需要買新鮮豬肉，因為反正都係要放入雪櫃雪，我諗冰鮮的都可以，可省下起碼30%的成本。