自家製叉燒

2011年10月13日

因為有新玩具，令我重拾已經放底一段時間的煮飯仔，在家裡翻出儲埋的一大堆食譜，今次專挑一些要長時間炆或燉的菜式。

睇睇吓翻出自製叉燒的菜譜，原來做法好簡單，只需用叉燒醬和酒，將梅頭豬肉醃一晚，之後放入預熱220度的焗爐，每邊焗15分鐘便成。又係心動不如行動，即刻去買豬肉跟醬料。

熱辣辣的出爐叉燒加上一碗白飯一碟青菜，不用5分鐘已經食得乾乾淨淨。不過今次未算係好滿意，可能我鍾意多啲肥肉，呢件梅頭太瘦。味道ok，是一道可以經常encore的菜式。