意式雜菜湯

2011年10月13日

好鍾意Delifrance的意式雜菜湯，年多前試過在家裡煮，因為得一個容量只有2.2L的小煲，單係材料已經滿滿的一煲，我足足係廚房企了個多小時，小心翼翼的睇火，中途又要加水，出來的效果當然強差人意。

有咗高速煲後，第一個想煲的湯就是雜菜湯，材料：番茄、紅腰豆、薯仔、芹菜、椰菜、甘筍、洋蔥、香葉和蒜頭。番茄是用罐裝番茄，貪其出來的味道比新鮮番茄濃。除紅腰豆外，所有蔬菜切成指甲般大小，用橄欖油爆香蒜頭，再加洋蔥炒至洋蔥軟身跟透明，再加入其餘的蔬菜略炒。最後加入雞湯跟水，用高速煲以高火煮25分鐘。練完琴就有好味的意式雜菜湯飲，爽呀。