自己友私房菜

2011年10月29日

今日細佬一家三口上來午餐，答應整餐好既俾佢地食。

~~餐單~~

前菜：豬手凍
餐湯：意大利菜湯
主菜：香草燒雞伴蔬菜
甜品：tiramisu
咖啡或茶：cappuccino

我當做係做緊私房菜，中間插個嫩雞煨麵俾自己食。10：30買完餸回家，13：30客到。豬手凍係現成的，cappuccino餐後再準備。即3個小時內要解決4個菜。

首先整意大利菜湯，切好所有蔬菜，爆香蒜頭及洋蔥，加入蔬菜放入高速煲加水加雞湯，設定40分鐘，第一道菜攪定。

再來就是tiramisu, 我用citysuper買的簡易tiramisu,手指餅浸咖啡液，粉包加鮮奶打4分鐘成忌廉狀，倒入膠盒中放入雪櫃雪2小時，甜品攪定。

然後到自已煮來醫肚的嫩雞煨麵，已起骨的新鮮雞半隻，雞骨飛水後，加水加雞湯用細火煮40分鐘。雞肉切粒下調味略醃，小棠菜切粒。

等待雞湯肴好時，準備伴燒雞的蔬菜，甘筍，茄子，洋蔥，紅皮薯仔全部切片，放入烤盤中加小許橄欖油、P&S。預熱焗爐。

再來就是準備燒雞，整顆蒜頭欄腰切半。一個檸檬一開八件。春雞及中雞解凍，先用P&S塗均雞內外，蒜頭及檸檬塞入雞腔內，蒜蓉 、thyme和basil，攪均塗在雞外，最後塗上橄欖油。放入焗爐烤40分鐘。算好時間12：50入爐，出來的時間便剛剛好。出爐時將放在下層的蔬菜烤盤內的汁液盛起，加調味成為蘸雞的醬汁。

輪到自己食的煨麵，今日煮台灣的關廟麵。麵煮好後過冷河。雞湯熬好後棄掉雞骨加牛奶及調味，放入雞肉及菜粒，煮熟後放入麵條，再煮滾後便成。

客人未到先餵飽自己，忙了一個早上早已餓到前胸貼後背，門鈴嚮時剛好飲緊嫩雞煨麵的最後幾啖雞湯。

今日係想挑戰自己一個人係一個蚊型廚房內煮菜宴客的能耐，其實最重要係time management，所有細節先要充分考慮，每個菜都有其所需時間，怎樣調配才最省時間能做到multi-tasking？怎樣盡用所有的工具？

最後係最簡單的上菜。有靚靚的LC及Cath Kidston餐具，要幾靚有幾靚。可惜今次是蝗蟲過境，未來得及好好的為食物擺pose，食物便已被消滅，不過忙碌了一個早上其實最大的滿足係客人enjoy啲food。