【敗物誌】LC Oval French Oven

2011年10月16日

買了高速煲後，掀一髮動全身，又挑起買廚房用具條筋，剛好睇到Piago做promotion，LC oval shape cast iron做大特價，我又冇oval shape的煲，實在太吸引，忍唔住手入了一件。買買埋埋，我個蚊型廚房已經迫到爆，係時候做大掃除，摷吓一件摷吓又一件，最後變成一個LC的小型盤點。把心一橫，重新擺放廚具的位置，將LC獨立用一個架收藏，才發現一個小架不足夠放下所有LC的東西。

基本上每件LC都好鍾意：茄子隻紫色靚爆鏡、隻玉米碟好cute、一對的西湯湯盅隻色叫 caribbean blue呢個顏色又係靚到冇朋友、南瓜係招牌的橙色 (LC招牌的橙色，跟Hermès幾乎是一樣)，每件既實用又精緻。

相對好多LC的收藏家(冇錯，好多人已經將LC廚具用品升格為收藏品，以儲齊不同型狀不同顏色為樂) 我呢啲算係小兒科。單係花花ramekin我見過起碼有20隻色，好多仲係期間限定或地區限定。

不過LC的廚具確實係色彩繽紛，見到咁colorful既廚具，心情都特別好，就算煮出來的菜賣相一般，放入咁靚既stoneware內即時有高貴了的feel，再一次證明presentation係好重要。

本來想影張全家福，不過實在太大工程及今日實在太累，第日先再癲過。