自找麻煩之椰青燉蛋白

2011年10月17日

星期日晚上浴室洗手盤連接水龍頭的水喉爆裂，攪到浴室水浸，爆喉波及洗手盤下面儲物櫃，入住2年才知道自己並不知道家裡的水掣位置，當時真係手忙腳亂，今日將洗手盤整套水龍頭更換後，終可回復往日的安寧。

辛苦過後，總要慰勞一下自己，係雪櫃摷出早兩日買的椰青，來一客養顏甜點好好獎勵自己，係網上睇人教開椰青好似好容易，原來一啲都唔易，花盡九牛二虎之力，錘仔、螺絲批、菜刀全出動才攪定。完成後想這不是慰勞而是自找麻煩，收拾浴室已經夠累，僅餘的氣力還要跟椰青搏鬥，不是自找麻煩是什麼？

椰青燉蛋白做法挺簡單：蛋白2只、鮮奶200ml、糖隨意，3種材料攪均，倒入椰青隔水燉20分鐘至蛋白凝固。