侄女係4月3日生日，早於半年前佢已經同我講好要個公主蛋糕，4月頭外婆個病突然惡化，爸媽去了探望，cancel了生日會，我就先買住條公主裙送俾侄女頂住先。到外婆情況穩定番就輪到我病，所以個蛋糕到今日先出現。
蛋糕係bk一位媽媽(Vicky Cheung)的freelance傑作，Vicky啲蛋糕係非常非常之靚，呢個對佢係小兒科，佢啲蛋糕每一個都係tailor made，好似今次，我要求做Cinderella仲要有蝴蝶＆bling bling效果，佢就整個長拖尾同背後的大蝴蝶結，另上身用了銀珠仔＆銀粉裝飾，細心睇會見到佢好多既心思，一早已經屬意俾Vicky做，街外的太行貨。
二位公主合照
前面上身的銀粉＆銀珠
後面的拖尾＆大蝴蝶結
好細心的印花，Vicky話佢都係第一次整拖尾，個立體做得好靚，同埋穩陣。
3磅的蛋糕，糖皮下的內餡可以自己挑，我揀咗芒果蛋糕，個蛋糕好好味，唔係單有姿勢仲有實際。多謝蛋糕師Vicky。
沒有留言:
發佈留言