燉瘦肉汁

2012年5月10日

我係bk真係學到唔少野，bk啲jm教整瘦肉汁，做法講就好複雜，有圖有真相，將細碗反轉放入大碗內，外圍舖上切片瘦肉，上面放隻碟令水蒸氣唔好走入隻大碗入內，我放入壓力煲燉45分鐘(如果用明火就係3個小時)，煮好後就好似下圖咁，啲肉乾到縮晒，用筷子將肉夾走，會見到碗邊一滴水都冇，但將細碗掀開，原來啲汁係隻細碗內。

30蚊瘦肉燉3個鐘都係得小小瘦肉汁，不過呢啲就係精華，呢隻補品係溫補，任何體質均合適，特別適合大病初愈人士同小朋友打好個底子。

可以用牛肉雞肉代替豬肉，不過牛肉汁同雞汁比較燥，唔啱我啲燥底食用。