【敗家誌】P仔雪糕機

2012年4月27日

由星期二病到今日仲未好，昨夜仲發燒，今日係屋企休息，湊巧上星期在樂天日本訂既Panasonic雪糕機&白神酵母寄到。

P記呢款雪糕機曾經係香港有賣，不過香港代理近年已經冇賣。因為呢個雪糕機容量比一般的雪糕機細，但價錢比一般的貴。

不過佢獨特的地方就係唔需要預先冷凍雪糕盤，一般雪糕機係要將內膽／盤預先放入冰箱冷凍起碼8小時，才可以用來整雪糕，放入材料攪拌完成後，再要將雪糕冷凍幾個鐘先有得食。

P記呢個就省時好多，不需預冷，將材料放入雪糕機，然後整部雪糕機放入冰箱，雪糕機用乾電運作，在冰箱內進行攪拌，只需4小時雪糕就完成，可以食用，係咪好amazing，好方便快捷哦。

仍未病好冇得同雪糕機剪綵，不過都試下擺入冰箱睇下個位fit唔fit先，just make呢。 今個夏天有home-made雪糕食喇。