【包餅工房】P仔 - 第一次造型包

2012年4月14日

P仔除了用來整方包外，仲有好多function，如果想做造型包就可單選揉麵糰的function，可幫你將材料搓好同做埋第一次發酵（總共需要1小時)。

麵糰由機內取出，先將麵糰平均分割成12等份，揉成圓形靜置10分鐘。

之後就包上餡料，今日有4種口味，分別是朱古力流心、芝士火腿、腸仔、肉鬆。

包上餡料後就開始第二次發酵，30℃大約需時30分鐘，雖然今日好熱但未去到30℃，發酵時間就要加長，總之包包有2倍大及手指篤入麵糰後不回彈，就算完成發酵。

入爐前在包面塗上蛋汁及加上topping，加上不同topping幫我分辨不同的包包，黑芝麻topping是肉鬆包，朱古力粒是朱古力流心包，咸包梗係要加芝士係包面增加風味。

可能因為我的焗爐有熱風，所以包面被吹到較乾身，唔似外面買的包面係軟身的，下次要研究點樣去改善。

四種口味都鍾意，細細個容易食，好容易o趙吓一個o趙吓又一個。