晨早整個侄女至鍾意既馬拉糕俾佢做下午茶，仲有唔少得既Kinder出奇蛋同笑牛牌芝士。本來承諾送個公主蛋糕俾佢，因為外婆係中山病重，父母去咗探望，生日會要延期。
今日係侄女4歲生日，我受邀入迪迪尼同佢玩番日。去過美國Florida同日本迪迪尼，香港的真係細得可憐，但係人又多，處處都要排隊排餐死，等就要一粒鐘，玩就只有一分鐘！
今日中午入到去，睇完煙花出番來，玩了小飛象、米奇幻想曲、轉轉彈弓狗、旋轉木馬、馳車天地；跟Jessie & Buzz Lightyear合照，就係咁多。
因為要排隊，就算個樂園咁細都冇可能一天內玩晒，只可能挑一些小朋友鍾意的去玩。
晚餐係侄女選的元氣壽司，又熱又曬玩咗成日晚上10:00到家成個人散晒，不過小朋友開心，happy最重要。
沒有留言:
發佈留言