Project U - 買傢俬

2012年11月18日

昨天跟今天超busy，因為今星期的目標係買梳化、電視櫃、餐枱及餐椅。早前已經睇過一輪，心目中已經有定案，今日只係去執行。

梳化 - Giormani的2座位彈鉸梳化，顏色係石頭灰， 訂貨要3個星期，暫定12月6日收貨HK$10,231。

餐枱 - 海怡9樓訂的實木餐枱款式類似Tree賣的raw木餐枱，不過價錢便宜過Tree好多，顏色又係灰白色，長130cm闊80cm，可加長40cm，訂造要一個半月，不過我要求聖誕前收貨，現暫定12月22或23日收貨 HK$5,800另加樓梯費HK$100。

餐椅 - 分了2個地方買(1) 跟餐枱一起訂了一張實木bench HK$2,000；(2) 在Aluminixx訂了2張白色Master Chair，不過差不多要二個月後才有貨，不過佢地會借住2張椅俾我用，不過到時才決定要不要向他們借用，HK$2,856另加送貨費HK$280。

電視櫃 - 去了Emax、Home Square、Megabox&海怡工貿搜購，只在Home Square睇中了一張電視櫃，不過好貴索價HK$6,000，完全超budget，尚未去土瓜灣跟荃灣的傢俬店搜索，去埋呢兩處地方如果都冇合適的，一係買貴貨，一係搬家裡的電視櫃去新居頂住先。

大件及最重要的傢俱已經攪掂，不過收貨時間就不能集中在緊接入伙日，可能要到1月初才可收齊所有傢俬。

搬屋公司亦已經初步confirm，用間好啲的不過又係一分錢一分貨，搬屋初步quot要HK$3,000，拆跟裝番Stolmen就另付HK$2,000。