Project U - Day 30 開始做廚櫃

2012年11月12日

木工師傅終於開工，先開始廚房地櫃。

 廚房地櫃
每日上工地睇吓，拍下進度相片係有必要，一來可知道進度，另一方面一有問題可以馬上提出，今次個地櫃有問題，左手邊要放洗碗碟機，而洗碗碟機的電線及入去水喉要穿番去鋅盤底，而呢個櫃冇留線管通道，即係做錯了！馬上whatsapp PM要他跟進。

 應該搞緊吧枱傍的直身櫃，一塊板已經整好，另一塊製作中。

 呢個估計係浴室地櫃

廚房太細而電器又多又大件，因此產生了不少技術性問題，廚房吊櫃全用門板向上掀起的方式，但抽油煙機太大，阻礙曲呎位的門板開合，之前PM提出問題，我係淘寶搵了只“上翻平移門鉸”解決了問題。今日師傅試呢隻鉸，不過又有新問題出現。

 門板關閉時情況

 門板向外拉

再向上移。問題係上移時門板升得太高頂上鋁天花，升到咁高要扯番塊板落來關門又係另一問題。最後PM跟師傅決定唔做上移，改為下移，希望師傅搞得掂。係裝修的過程中每一個細節都可能會出問題要owner參與解決，解決到都死好多細胞，整個project全部都係由唔識到學識到知道點樣去揀擇，其中花了多少時間心機去搵料學習，完全冇得計算。
單呢隻門鉸連運費HK$175，不過相對Blum的門鉸，呢個算係好便宜。