今日主力仍是牆壁的打底工作，所以冇乜嘢睇。廚房及浴室的傢俬交由裝修公司攪掂，而餘下要買的傢俱有：電視櫃、梳化、床頭櫃、餐枱＆餐椅、房燈、五桶櫃等。
之前已經睇過部份傢俱，亦有了初步的呎吋，趁weekend有空又地上已鋪上木皮，我可以用marker將間屋在地上劃出不同區域及初步mark上預定的傢俱呎吋，先來個大概，看看效果如何再調整傢俱大小。
TV櫃 - 要造6呎闊16吋深
長形廳分了3個區域，上方係鋼琴區闊5呎，中間係客廳區，最近鏡係飯廳區，劃出客廳區就可度出梳化maximum呎吋，最後決定梳化長度只可以200cm以內及不可要L-shape，因為梳化太大客飯廳就會顯得好焗束。
大床及床頭櫃
跑步機跟床角剛好夠位。
之後就係主人房，主人房只會有3件傢俱：床、床頭櫃及跑步機。因為間細了主人房，擺放傢俱變得沒有了靈活性，不過幸好剛放得下，如果放不下就大大鑊。
再來就係衣帽間跟雜物房，會搬現時家裡Stolmen storage system去新屋再重新組合，不過就好擔心還原不了，anyway先劃好呎吋，掛衫的位置應該會減少，但會增加一個五桶櫃，整體來說應該跟現時差不多。
會keep番個鋼架放好重的書及4-in-1 printer。
全屋的傢俱擺放位置已經定下來，呎吋亦已經確定，可以開始睇款式。
浴室跟房門，應該都係用Bonco呢款手拉門鎖HK$155each
沒有留言:
發佈留言