Project U - Day 22 繼續停工

2012年11月2日

今日都係冇師傅開工，只係收到PM通知可以安排煤氣公司師傅安裝番個熱水爐。

另外PM俾咗門既呎吋，不過因為唔要鐵閘，想將大門門框及大門向外推，但跟PM尚未達成共識，我的做法其實係跟我父母現時居所的做法一樣，佢地間屋又係冇鐵閘，大門門框向外凸半吋，大門就跟走廊牆平排，PM話唔得，開頭話地磚位舖得唔夠出，門框唔可以向外移，仲叫我自己上去睇，我立馬whatsapp大門啲照片俾番佢睇，其實吸咀做出多一吋就ok，咁我問加闊吸咀去修正得唔得，佢又冇話唔得。

我再問究竟得定唔得，因為要訂大門框，呢個可能影響大門框既厚度，whatsapp佢過了10+小時仲未有回應，呢間裝修公司暫時來說啲師傅都叫做ok，個PM就一時時，有時問佢嘢佢會ignore你，好神化，唔知佢想點。