Project U - 睇傢俱

2011年11月11日

今日去了e-max跟megabox睇傢俱。

床頭櫃＆五桶櫃 - 幫襯“姨媽傢俬”，size剛好又便宜，呢兩件唔係重點，所以唔想花太多時間。

燈飾 - 希望可以係飛利浦或“姨媽傢俬”搞掂，飛利浦門市燈飾有85%折，雖然一定比淘寶貴，但質量有保證，現居衣帽間的燈是在屋苑樓下舖頭買的大陸貨，用不了一個月就壞了半邊，俾錢師傅整，整好了不到半年又再壞，電燈自己又不懂，好煩，都係買大牌子比較放心。

TV櫃 - 行均e-max都冇心儀的TV櫃，如果搵師傅造又怕好貴，煩惱中。

梳化 - 我一直都喜歡“姨媽傢俬”的布藝梳化，感覺簡約又易清理，個布套污糟了拆出來送去洗衣舖便可，我現在的“姨媽梳化”坐了3年都俾我拆了幾次套去送洗。想轉吓款，今次不再幫襯“姨媽傢俬”，但在外面睇過的布梳化，一般舖頭唔知張梳化內塞什麼材料，有牌子的舖頭又貴又唔係十分之靚，而且又唔係每張都可以換套。

反過來顯得皮梳化都唔係貴得太厲害。最後我自己都估唔到自己會睇中giormaxx的電動彈鉸sofa，睇過“芝華x”不過實在太軟淋，我諗坐一年半載張sofa會自然下陷。不過揀皮梳化，最煩都係唔知點清潔同埋挑咩顏色，深色耐污糟不過跟我全白的格調有衝突，買白色又係死梗，我好粗心大意，一定好快會整污糟同整花，污糟了又唔可以拆出來洗，日日篤眼篤鼻睇到啲污漬會令自己唔開心。如果俾別人整污糟更唔抵，同埋咁貴既梳化要用好幾年，所以都係揀深色比較實際，仍在煩惱中。

餐枱 - 睇過不同餐枱後，心目中都係心儀之前係海怡工貿睇中的好raw的實木枱。

餐椅 - 開始時好多想法，但最近身心俱疲，又要上課又要應酬，就快撐不住，令到我對餐椅有另外想法，就係先簡單的買2張白色的master chair頂住先，以後再諗唔好迫自己係短時間內決定所有事情，太stressful。

本來打算搵一天上深圳買傢俬，但實在沒有精力，都係留港消費又或者去淘寶搞掂。