今日進度very good，雖然遇到不少問題，不過都可以解決。
今日難題之一係廚房對上條陣，因為燈槽上面的後方有一條陣，要諗方法遮住條陣，啲收口又要做得靚，咁就有難度，跟PM又whatsapp又傳手繪圖又講電話，搞了成個鐘先度掂。
仲要考慮埋啲燈光問題，對裝修一竅不通，對住個PM都有溝通上的困難，如果係直接對住個老師傅，肯定衰多幾成，如果日日都有呢啲狀況，會好stressful。
PM即時畫了幾幅圖whatsapp給我挑，呢幅係final。
傾掂師傅就即係開工，用木板封咗條陣。
背面用板貼住條陣，正面就離開一吋，令到個收口可以造靚啲，不過好似唔成直線上窄下闊，不過整埋燈槽及上色後應該唔係好覺。
放焗爐的櫃搞掂，而另一邊已挖番個孔俾洗碗碟機的喉管出入。
浴室地櫃已經起好個框架，不過我揀的彩條西德板冇貨，要用次選，其實對次選麻麻地滿意，不過已經揀無可揀，希望貼上後會改觀。
另外廁所已經安裝好，不過位置有點窄。
明天應該可以開始整吊櫃，進度好快哦，不過吊櫃跟吧枱應該係最難的部分。
呢個兩邊上了門鉸係乜東東？
背面用板貼住條陣，正面就離開一吋，令到個收口可以造靚啲，不過好似唔成直線上窄下闊，不過整埋燈槽及上色後應該唔係好覺。
浴室地櫃已經起好個框架，不過我揀的彩條西德板冇貨，要用次選，其實對次選麻麻地滿意，不過已經揀無可揀，希望貼上後會改觀。
明天應該可以開始整吊櫃，進度好快哦，不過吊櫃跟吧枱應該係最難的部分。
呢個兩邊上了門鉸係乜東東？
沒有留言:
發佈留言