2012年11月3日
今日師傅終於埋尾，兩間房的地磚完成。坊間一直話斜鋪會多耗10%以上的磚，所以一直以為地磚會唔夠，現在斜鋪又唔需要補磚，師傅真係好勁，要俾10個like佢。
另，冷氣師傅上門睇場後亦confirm了安裝方法及費用。不過對PM的安排真的不敢恭維，星期四whatsapp PM話佢知冷氣師傅星期六上門，提醒佢唔好跟鋪磚的師傅相撞，星期四跟五泥水師傅冇開工，偏偏就係星期六開工鋪埋房間的地磚，到冷氣師傅去到因為主人房磚剛在早上鋪好，冷氣師傅唔可以行入房間睇位，只可以企係房門口隔十幾呎睇位，PM真搞野我唔知佢咁既安排究竟想點？
問了PM下星期應該可以開始剷底、油防潮及油漆的工序。
唔知木工師傅幾時開工？鞋櫃、浴室櫃、廚房櫃、腳線、燈槽、安裝木門全都靠佢。不過PM直至現在一幅圖都未出，似乎慢都係因為PM的原因。
明天會去和富訂門，終於今日係現場跟PM拆掂度大門究竟點樣整，我的要求係想將大門向外推，不過PM話我冇一早講好，地磚冇鋪出去，所以大門唔可以向外推。
另，我要門框由門外走廊包到入室內，PM話唔係唔得，一般門框標準係6吋闊，依家我的做法門框要8吋闊，需要特別訂做價錢會係“天價”。佢咁樣兇我，我唔係好信，明天去和富問就自有分曉。
除了門以外，今日跟PM再拆多2個問題：
(1) 隔音玻璃右上角開孔，但係冷氣喉需要係右下角出，幸好冷氣師傅說裝冷氣時反正要拆塊玻璃，會跟手反轉塊玻璃將個開孔放番係右下，好在冷氣師傅OK，唔係的話PM就會衰一鑊。不過現時開2吋半孔，師傅話要入兩條喉，其中一條有2吋闊，其實我唔知PM識唔識，我睇過家裡的喉管，都覺得個孔開細了，好在冷氣師傅好人冇話唔得，希望最終搞得掂。
(2)天花明喉－PM明白冇藏條明喉入牆係衰咗，依家最終的解決方案係加支射燈係入房的門口位補光。不過佢要將3個房的門口的天花位封曬，我其實唔係太高興，因為呢個做法會破壞間屋既空間感，不過都俾佢整衰咗，冇法焗住係要咁做。
不過PM又俾出新問題：
廚房唔做鋁天花，將燈槽擴大至cover整個廚房，我要諗諗會怎樣影響廚房燈的佈局，同埋維修清潔上會不會有問題？
沒有留言:
發佈留言