【包餅工房】7小時吐司

2012年7月10日

今個星期日日都早出晚歸，晚晚做灰姑娘，莫說煮食，就連睡眠時間都不足夠。天時暑熱一來唔想出街，二來節食中唔想出街食高卡食物，惟有日日pack三文治，煙三文魚、芝士、羅馬生菜、火腿係鐵腳，食極都唔厭。


子夜時分先有空整包，天氣太熱唔開冷氣，廚房室溫至少有28度，麵包機的預約模式唔多適合，試用7小時天然模式，減少酵母用量至0.5g，讓廚房的高溫加上長時間發酵，令少量酵母已可讓包包發酵熟成。就像預約模式一樣早上起床就有香噴噴的包包等著出爐。P仔的function真的好全面，就算某些程式因為天氣關係變得不合用，都可以有其他模式變通，真的很棒。

睇落包包冇乜分別，其實製造時間跟之前的完全不一樣，這個包用了7個小時。